بىرىككەن اراب امىرلىكتەرىنىڭ ءىرى مەديتسينالىق جەلىسى قازاقستانعا كومەكتەسۋگە دايىن

ءابۋ- دابي. قازاقپارات - ق ر پرەزيدەنتى ىستەرى باسقارماسى مەديتسينالىق ورتالىعى اۋرۋحاناسىنىڭ دەلەگاتسياسى بىرىككەن اراب امىرلىكتەرىنە باردى.

ساپار بارىسىندا قازاقستاندىق دارىگەرلەر ب ا ءا- ءنىڭ ءابۋ- دابي جانە دۋباي قالالارىنداعى ءبىرقاتار ۇزدىك مەديتسينالىق مەكەمەلەردە بولادى. ءبىزدىڭ دارىگەرلەر ب ا ءا- ءنىڭ جەتەكشى مەديتسينالىق ورتالىقتارىنىڭ باسشىلىعىمەن تانىسىپ، ىنتىماقتاستىقتىڭ بولۋى مۇمكىن نۇسقالارىن تالقىلاپ ۇلگەردى. بۇدان باسقا، قازاقستاندىق ماماندار ءۇشىن ولار بارعان مەكەمەلەردىڭ اۋماعىندا ارنايى ەكسكۋرسيالار ۇيىمداستىرىلدى.

ب ا ءا- گى ارنايى ءتىلشىمىز قازاقستاندىق دارىگەرلەردىڭ جۇمىس ساپارىنا قاتىسىپ، ق ر پ ءى ب مەديتسينالىق ورتالىعى باسشىسىنىڭ ورىنباسارى ءامىر احەتوۆتان سۇحبات الدى.

«پرەزيدەنت ىستەرى باسقارماسى ءدال سولاي اتالاتىن ۇلكەن ەمحانانى سالدى، وندا ءبىز الەمدىك مەديتسينا سالاسىنداعى سوڭعى عىلىمي جەتىستىكتەردى توپتاستىردىق. قازىرگى كەزدە ەمحانا سالۋدان بولەك، ونى زاماناۋي جابدىقتارمەن قامتاماسىز ەتتىك، ەندى ءبىلىم- كەڭەس بەرۋ باعدارلامالارى سالاسىندا بىزبەن ىنتىماقتاساتىن حالىقارالىق سەرىكتەستەردى تابۋىمىز كەرەك. ءبىزدىڭ دارىگەرلەرىمىز ءبىلىم الىپ، شەتەلدەگى شەبەرلىك سىنىپتارىنا بارۋىنا نەمەسە ءىرى الەمدىك ەمحانالاردىڭ دارىگەرلەرى ءبىزدىڭ ءبىلىمىمىزدى بايىتۋ ءۇشىن قازاقستانعا كەلۋىنە مۇقتاجبىز.

 دۋباي جانە ءابۋ- دابيدە جۇرگەنىمىز كەزدەيسوقتىق ەمەس، ويتكەنى ءبىزدى جاڭا باعىت قىزىقتىردى. ءبىز ەۋروپا، يزرايل، وڭتۇستىك كورەيا ەلدەرىمەن جاقسى ىنتىماقتاستىقتى جولعا قويدىق. مەنىڭ ويىمشا، بىزگە ا ق ش- پەن بايلانىسى بار مەديتسينا قاجەت. ياعني قازاقستاندا ءالى از زەرتتەلگەن ستانداتتار بار. امەريكانىڭ الىستا بولۋىنا بايلانىستى، بۇل جاعدايدا استانا مەن الماتىدان 4 ساعاتتىق ۇشۋ ۋاقىتىن الاتىن دۋباي قولايلى بولدى، مەنىڭ ويىمشا، ول امەريكاندىق تەحنولوگيالاردىڭ ترانسفەرت ورتالىعى بولىپ تابىلادى. ءبىز، قازاقستاندىقتار، ونى ەگجەي- تەگجەيلى زەرتتەي الامىز.

ءوز كەزەگىندە DM Healthcare كومپانيالار توبىنىڭ ۆيتسە- پرەزيدەنتى الا اتاري ق ر پرەزيدەنتى ىستەرى باسقارماسى مەديتسينالىق ورتالىعى اۋرۋحاناسىنىڭ بايلانىستاردى ورناتۋ باستاماسىن قولداپ، ق ر- ءدىڭ دۋبايداعى باس كونسۋلدىعىنا بۇل باعىتتا كورسەتىپ وتىرعان كومەگى ءۇشىن العىس ءبىلدىردى.

«قازاقستاندىق دوستارىمىزبەن بىزدەگى تاجىريبەمەن قۋانا بولىسۋگە دايىنبىز»، - دەدى ول.

ساپار بارىسىندا قازاقستاندىق مامانداردى، دارىگەرلەردى ءبىزدىڭ مەديتسينالىق ورتالىقتاردا دايارلاۋ ماسەلەلەرى ورتاعا سالىندى.

 Medcare بۇل،  1990- جىلى «بۋر دۋباي» اۋدانىندا ءتورت قىزمەتكەر نەگىزىن قالاعان DM Healthcare Group توبىندا پرەميۋم- سەگمەنت برەندتەرىنىڭ ءبىرى بولىپ تابىلادى. قازىرگى كەزدە جەلىدە 22 ەمحانا، 45 ءدارىحانا، 3200 قىزمەتكەرى بار اۋرۋحانالار جۇمىس ىستەپ وتىر. بۇدان باسقا، DM Healthcare Group - ءتىڭ پارسى شىعاناعى، ءۇندىستان جانە  ۇلى بريتانيا ەلدەرىندە وكىلدىكتەرى بار.