11:23, 03 - ماۋسىم 2015 | GMT +5
ناسا «ۇشاتىن تارەلكە» پىشىندەس اپپاراتتى سىنايدى
استانا. قازاقپارات - امەريكالىق عارىش اگەنتتىگىنىڭ ماماندارى ا ق ش- تىڭ گاۆاي ارالدارىنداعى اسكەري بازاسىندا LDSD اپپاراتىن سىناقتان وتكىزەدى.
ءبىر قىزىعى، جاڭا اپپارات «ۇشاتىن تارەلكە» پىشىندەس ەتىپ جاسالعان. ەگەر ءبارى ويداعىداي بولسا، سوڭىنان بۇل «ۇشاتىن تارەلكە» مارسقا بەت الادى،
دەپ حابارلايدى epochtimes.ru.
LDSD بوگدە پلانەتالىقتاردىڭ قيالداعى كەمەسىن ەسكە تۇسىرەدى. ول ديسك ءپىشىندى جانە اينالاسى مارس بەتىنە قونعاندا جۇمساق تيەتىندەي ەتىپ، ۇرمەلى بەلدىكپەن قاپتالعان. بۇل بەلدىك عارىشتىق وتىندى ۇنەمدەۋگە دە سەبىن تيگىزەدى.
«ۇشاتىن تارەلكە» اۋە شارى مەن قوزعالتقىشتىڭ كومەگىمەن 55 شاقىرىم بيىكتىككە كوتەرىلەدى. جوسپارعا سايكەس ول تىنىق مۇحيتقا ءوز بەتىنشە قونادى. سىناق ماقساتى - اپپاراتتى مارس اتموسفەراسىنا ەنۋگە جاتتىقتىرۋ. كەلەشەكتە LDSD اپپاراتى قىزىل عالامشارعا ءىرى جۇكتەردى تاسيتىن بولادى.
www.24.kz
