10:32, 03 - ماۋسىم 2015 | GMT +5
اۋىر زاتتاردى ادامشا جىلجىتاتىن روبوت - كەسكىن
استانا. قازاقپارات - توكيو ۋنيۆەرسيتەتىنىڭ ونەرتاپقىشتارى «ەكى اياقتى» HRP-2 روبوتىنا اۋىر جۇكتى جىلجىتۋ كەزىندە تۇلا بويىن ادامشا قوزعالتۋدى ۇيرەتتى.
ول بۇل قيمىلدى ورىنداۋدا ءوز سالماعىن پايدالانادى، دەپ حابارلايدى epochtimes.ru.
وسىعان وراي جاريالانعان بەينەروليكتە HRP-2 ءدال ادام سياقتى قيمىلدايدى. ول اۋەلى اۋىر زاتتى «قولدارىمەن» جىلجىتادى.
ال بولماعان جاعدايدا، جۇككە بۇكىل بويىمەن سۇيەنىپ، ەدەننەن كەرى يتەرىلە العا جىلجيدى. روبوت ءوز تەپە-تەڭدىگىن قاداعالاپ، جۇكتىڭ ورىن اۋىستىرۋى مەن تۇلا بويىنىڭ ەڭكەيۋىن ەسەپتەي الادى.
سوعان سايكەس ول ۇلكەن جانە شاعىن قادامدار جاسايدى. بىرگە تاماشالايىق!
دايىنداعان: گ. ابيلوۆا
