جولامانوۆتى جارىلقاماق بولعان دەلدالدىڭ ءوزى تۇرمەدەن ءبىر-اق شىقتى

استانا. قازاقپارات - گەنەرال جولامانوۆتى جارىلقاماق بولعان دەلدالدىڭ ءوزى تۇرمەدەن ءبىر-اق شىقتى. ماسكەۋدە الاياقتىقپەن ۇستالعان نۇرالى تاشكەنبايەۆ ەندى سوت الدىندا جاۋاپ بەرىپ جاتىر دەپ حابارلايدى ك ت ك ارناسى.

ول ەلىمىزدىڭ شەكارا قىزمەتىنىڭ بۇرىنعى باسشىسىنىڭ بوستاندىققا شىعۋىنا كومەكتەسەمىن دەپ گەنەرالدىڭ تۋىستارىنان 1 جارىم ميلليون دوللار سۇراعان. ءسويتىپ، جولامانوۆتىڭ رەسەيدە تۇراتىن اعاسىن بىرنەشە رەت كەزدەسۋگە شاقىرىپ، ءىنىسىن قىلمىستىق جازادان قۇتقارۋ ءۇشىن قۇرعان جالعان جوسپارىمەن ءبولىسىپتى.

جولامانوۆتار دەلدالعا سەنگەنىمەن، تاشكەنبايەۆتىڭ ارام ويى سول كۇيى جۇزەگە اسقان جوق. ول ايتقان سوماسىنىڭ ءبىر بولىگى - 550 مىڭ دوللاردى الىپ جاتقان جەرىندە ۇستالدى.

قۇزىرلى ورىندار، قاماۋداعى گەنەرالدى بوساتاتىنداي تاشكەنبايەۆتىڭ قانداي قىزمەت اتقارعانىن ايتپاي وتىر. ال، وسى قۇرىعى ۇزىن «دوكەي دەلدالعا» قاتىستى تەرگەۋ ءجۇرىپ جاتقاندا، ياعني ەكى اي بۇرىن گەنەرال نۇرلان جولامانوۆتىڭ ءوزى استانادا 11 جىلعا سوتتالىپ كەتكەن بولاتىن.