08:19, 03 - ماۋسىم 2015 | GMT +5
يوزەف بلاتتەر حالىقارالىق فۋتبول فەدەراتسياسىنىڭ پرەزيدەنتى قىزمەتىنەن كەتەتىندىگىن مالىمدەدى
استانا. قازاقپارات - يوزەف بلاتتەر ءوزىنىڭ حالىقارالىق فۋتبول فەدەراتسياسى (ف ي ف ا) پرەزيدەنتى قىزمەتىنەن كەتەتىنىن مالىمدەدى.
بلاتتەر اتقارۋ كوميتەتىنە ءوزىنىڭ ورنىنا باسقا ادام سايلاۋ ءۇشىن ۇيىمنىڭ كەزەكتەن تىس كونگرەسىن شاقىرۋدى ۇسىندى. وعان دەيىن ءوزى پرەزيدەنتتىڭ مىندەتىن اتقارۋشى بولىپ قالا بەرەدى، دەپ جازادى بي-بي-سي.
وتكەن اپتادا بلاتتەر ف ي ف ا پرەزيدەنتىگىنە قايتا سايلانعان بولاتىن. ونىڭ جالعىز باسەكەلەسى ءالي بين ءال- حۋسەين سايلاۋدىڭ ەكىنشى تۋرىندا كۇرەستى جالعاستىرۋدان باس تارتقان ەدى.
ف ي ف ا باسشىسىن سايلاۋ ءىرى سىبايلاس جەمقورلىق جانجالىنىڭ سەبەبىنەن بولعان. شۆەيتساريالىق ءتارتىپ ساقشىلارى ف ي ف ا- نىڭ 7 جوعارى لاۋزىمدى شەنەۋنىكتەرىن سىبايلاس جەمقورلىقپەن اينالىستى دەپ ايىپتاپ، تۇتقىنداعان بولاتىن.
