08:17, 03 - ماۋسىم 2015 | GMT +5
اتىراۋدا ىشكيىم جارنامالاعان بويجەتكەندەر قاماۋعا الىنۋى مۇمكىن
اتىراۋ. قازاقپارات - اتىراۋدا الەۋمەتتىك جەلىلەردە ىشكيىم جارنامالاپ جۇرگەن بويجەتكەندەرگە قاتىستى جانجال تۋدى. جارناماعا قاتىسۋشىلار قاماۋعا الىنۋى مۇمكىن.
«بەينەجازبادا ەكى قىزدىڭ دۇكەن قاسىندا بيلەپ تۇرىپ ىشكيىم جارنامالاعانى كورىنەدى. تروتۋار قاسىندا ولاردىڭ كولىگى تۇر. وقيعا قالانىڭ ورتاسىندا بولعان.
اقتاۋدان اتىراۋعا كەلگەن ەكى قىزعا قاتىستى اكىمشىلىك ءىس قوزعالدى. ولارعا 10 ا ە ك كولەمىندە ايىپپۇل سالىنادى نەمەسە 10 تاۋلىككە قامالۋى مۇمكىن. تروتۋارعا كولىگىن قويعان جۇرگىزۋشى كولىكتى قويۋ ەرەجەسىن بۇزعانى ءۇشىن اكىمشىلىك جاۋاپكەرشىلىككە تارتىلادى»، - دەدى ايماقتاعى ءى ءى د باسپا ءسوز حاتشىسى گۇلنازيرا مۇحتاروۆا.
سونداي-اق بۇنداي جارنامانى ۇيىمداستىرعانى ءۇشىن دۇكەن يەسى دە جاۋاپقا تارتىلۋى مۇمكىن، ءبىراق بۇل اقپارات ازىرگە راستالمادى.
