اقتوبەدە اۋىر قىلمىس جاسادى دەگەن كۇدىكپەن وبلىستىق ءماسليحات دەپۋتاتى ۇستالدى
ورگانداردىڭ الدىن الا تەرگەۋى بويىنشا وبلىستىق ءماسليحات دەپۋتاتى م. وندىرگەنوۆ ازامات ب. ءپىرمانوۆتان «اقجول ل ت د» ج ش س-نىڭ 10 پايىز كاپيتالىن بوپسالاپ، سونىمەن بىرگە 2012 -جىلعى 23 -ماۋسىمدا ونى «ميتتسۋبيسي» ماركالى كولىگىن ءۇشىنشى تۇلعانىڭ اتىنا جازۋعا ماجبۇرلەگەن.
جابىرلەنۋشى مەن ونىڭ وتباسىنا دەپۋتات ۇزاق ۋاقىت بويى قوقان-لوقى جاساپ، قورقىتىپ- ۇركىتكەن.
كەشە، 2015 -جىلعى 1 -ماۋسىمدا اقتوبە قالالىق №2 -سوتىنىڭ قاۋلىسىمەن اقتوبە وبلىسىنىڭ ءى ءى د- ىنىڭ تەرگەۋ ءبولىمى باستىعىنىڭ م. وندىرگەنوۆكە قاتىستى 2 اي قاماقتا ۇستاۋ - بۇلتارتپاۋ شاراسىن تاعايىنداۋ تۋرالى ءوتىنىشى قاناعاتتاندىرىلدى.
سوت قاۋلىدا م. وندىرگەنوۆ (اسا ءىرى كولەمدە بوپسالاۋ جانە ءولتىرۋ نەمەسە دەنساۋلىعىنا اۋىر زيان كەلتىرۋ ءقاۋپىن تۋعىزۋ) اۋىر قىلمىسىن جاسادى دەگەن كۇدىكتى نەگىزگە الدى. بۇل مۇلكىن تاركىلەي وتىرىپ، 7 جىلدان 15 جىلعا دەيىن مەرزىمگە باس بوستاندىعىنان ايىرۋ جازاسىن كوزدەيدى.
