الماتىدا اۆتوبۋستارعا عانا ارنالعان جولاق پايدا بولادى
ەندى كوشە بويىندا جۇرگىزۋشىگە جاڭا ەرەجە تۋرالى اقپارات بەرەتىن 20 دان استام تاقتا ورناتىلادى. بۇگىننىڭ وزىندە جول ساقشىلارى رەيد جۇمىستارىن جۇرگىزىپ، اۆتوكولىك يەلەرىنە ەسكەرتۋ جاساۋدى قولعا الىپتى.
بۇگىندە جۇمىسشىلار اباي داڭعىلىن ايرىقشا جول بەلگىلەرىمەن بەزەندىرۋدە. جولاقتا سىزىلعان «ا» بەلگىسى تەك قوعامدىق كولىك جۇرۋىنە ارنالادى. دەسە دە بۇل جولمەن ارنايى كولىكتەر وقىس جاعدايدا دابىل جۇيەسىن قوسىپ وتۋىنە بولادى.
بۇگىننىڭ وزىندە جول ساقشىلارى كوشە بويىندا رەيد جۇرگىزىپ، كولىك يەلەرىنە ەسكەرتۋ جاساۋدا. ءبىراق 15 -ماۋسىمنان باستاپ جاڭا ەرەجەنى بۇزعان جۇرگىزۋشىلەر ايىپپۇل ارقالايدى. تەمىرحان ايتپايەۆ، قالا تۇرعىنى:
- مەنىڭشە، بۇل - دۇرىس شەشىم. ويتكەنى قوعامدىق كولىكتەر وسى جولاق ارقىلى ءار ايالدامادا توقتايدى. قازىر ءبىزدى م ا ي قىزمەتكەرلەرى تەكسەرۋدە. ءبىراق ءالى ايىپپۇل سالماي جاتىر، تەك ەسكەرتۋ جاساۋدا.
سونداي-اق الىپ كوشە بويىندا جۇرگىزۋشىلەرگە ەرەجەدەن اقپار بەرەتىن 20 دان استام تاقتا ورناتىلماقشى. ال «جەڭىل كولىككە جۇرۋگە بولمايدى» دەگەن بەلگى ءار ايالدامادا ورىن تەبەدى.
ەندى تۇرعىندار قوعامدىق كولىك ارقىلى دىتتەگەن جەرىنە 3 ەسە تەز جەتە الادى. جولاۋشىلار كولىك باسقارماسى وسى تاجىريبە ءساتتى اياقتالسا، اتالعان جوبانى وزگە كوشەلەرگە ەنگىزبەكشى. سونداي-اق قازىر جاڭا جولاققا بەينەباقىلاۋ قۇرىلعىسىن ورناتۋ كوزدەلىپ وتىر. قازىر جۇمىسشىلار مۇندا جول جوندەۋگە كىرىسىپ كەتكەن. ال اتالعان جوبا 15 -ماۋسىمدا ىسكە اسادى. بۇدان بولەك، جول بويىندا ارنايى بەلگىلەر دە قويىلۋدا. جاڭا جولاق اباي داڭعىلى، دوستىق پەن باۋىرجان مومىش ۇلى كوشەسىن قامتيتىن بولادى. جانە جول بويىن جايلاعان كولىك تۇراعى الىنىپ تاستالادى. ونىڭ ورنىنا اباي داڭعىلىنداعى بىرنەشە الىپ عيمارات ماڭىنان اۆتوتۇراق سالىنادى.
ەرلان ءادىلوۆ، قالالىق جولاۋشىلار كولىگى باسقارماسى باسشىسىنىڭ ورىنباسارى:
- كۇندە جۇرەمىز تەكسەرىپ، بۇگىن دە تەكسەرىپ شىقتىق. ءبىراز ۋچاسكەلەردە دايىن بولىپ تۇر. ارنايى بەلگىسى جوق جەردە ەندى جەڭىل كولىكتەر قويىلمايدى.
بۇگىندە اباي داڭعىلىمەن 25 باعىتقا جۋىق قوعامدىق كولىك حالىققا قىزمەت ەتەدى. الداعى ۋاقىتتا ولاردىڭ سانى 15 كە قىسقارادى. باستى ماقسات - ءبىر باعىتتا جۇرەتىن قوعامدىق كولىك اراسىنداعى بايگەنى توقتاتۋ.
www.24.kz
