پاريج ەڭ تانىمال تۋريستىك ورىندارىنىڭ ءبىرىن الىپ تاستاماق

استانا. قازاقپارات - قالا ءمەرى «ونەر» كوپىرىندە الەمنىڭ تۇكپىر- تۇكپىرىنەن كەلگەن عاشىقتار سەزىمدەرىن ءبىلدىرۋ ءۇشىن بەكىتكەن 100 مىڭداعان قۇلىپتى الىپ تاستاۋ تۋرالى شەشىم شىعاردى.

ولاردى بۇزۋ شاراسى اپتاعا سوزىلماق. پاريج بيلىگىنىڭ مالىمدەۋىنشە، تەمىر بەكىتكىشتەردىڭ جالپى سالماعى -  45 توننا. بىلتىر قورشاۋلاردىڭ ءبىر بولىگى سەناعا قۇلاپ تۇسكەن بولاتىن. كەلەسى اپتادان باستاپ قالا اكىمشىلىگى «ونەر» كوپىرىندە كەز كەلگەن نارسەنى ىلۋگە تىيىم سالاتىن ماڭدايشا ورناتادى.

ال عاشىقتارعا سەزىمدەرىن ءبىلدىرۋدىڭ باسقا جولىن قاراستىرۋعا كەڭەس بەرىلۋدە. قۇلىپتاردى بەكىتۋ ءداستۇرى 2004 -جىلى باستالعان.

ۆان شۋ، اۆستراليالىق تۋريست:

- قۇلىپتاردى الىپ جاتىر. مەنىڭ ويىمشا، ولاردى مۋزەيگە تاپسىرۋ كەرەك. سوندا باسقا ادامداردىڭ كورىپ، تاماشالاۋىنا مۇمكىندىك تۋار ەدى. بۇل قۇلىپتاردى قوقىسقا تاستاعاننان گورى جاقسى ەمەس پە؟

www.24.kz