شەتەلدىكتەر اسىراپ العان قازاق بالالارىنىڭ تاعدىرىنان سىر شەرتەتىن بىرەگەي تەلەجوبا جالعاسىن تاپتى - فوتو
«شەتەلدەگى قازاق بالالارى» باعدارلاماسىنىڭ اۆتورى، جۇرگىزۋشىسى ءارى پروديۋسەرى جانار بايسەمىزوۆا وسى ساۋالدارعا «قازاقستان» تەلەارناسىندا باستالعان جوبانىڭ ءۇشىنشى ماۋسىمىندا جاۋاپ ىزدەيدى.
«قازاقستان» تەلەارناسىنىڭ تىلشىلەرى شەتەلدىكتەر اسىراپ العان، جات جەردە، ورتادا جۇرگەن قازاقتىڭ ۇل- قىزدارىنىڭ تالايلى تاعدىرىن كوزىمەن كورىپ كەلدى.
بۇل تۋرالى ۇلتتىق ارنانىڭ باسپا ءسوز قىزمەتى حابارلادى.
باعدارلامانىڭ ماقساتى - جات جۇرتتا تاربيەلەنىپ جاتقان قازاقتىڭ ءبىر بولشەگىن كورسەتۋ ارقىلى ولارعا تۋعان ەلى، ۇلتى، ءتىلى، ءدىنى تۋرالى ايتىپ، ءسابي ساناسىنا ساۋلە ءتۇسىرۋ. حاباردا ولاردىڭ قازىرگى ءومىر ءسۇرۋ ورتاسى، تاعدىرلارى، تۇرمىس دەڭگەيى، بولمىسى جان-جاقتى باياندالادى. وسى باعدارلاما ارقىلى سىرتقا اعىلعان قازاقستاندىق جەتىم بالالار مەن قازاقستان اراسىندا بايلانىس ورناتۋ، تۋعان ەلدەن جىراق كەتكەن بالالارمەن قارىم-قاتىناستى ۇزبەۋ كوزدەلىپ وتىر.
باعدارلاما اۆتورى ەۋروپادا، ا ق ش پەن كانادادا تۇرىپ جاتقان 70 كە جۋىق قازاق بالاسىمەن كەزدەسىپ قايتتى. الىستا جۇرگەن جەتىمدەرىمىزدىڭ ءومىرى، ارمان-مۇراتى، تاعدىر-تالايى جۇرەگى قازاق دەپ سوققان ءاربىر ازاماتتى الاڭداتپاي قويمايدى. ۇلتتىق ارنانىڭ اتالعان جوبانى بىرنەشە جىل كولەمىندە جۇزەگە اسىرىپ كەلۋىنىڭ باستى سەبەبى دە وسى.
ءبىز قازاق دەگەن حالىق قانداي قيىن زامان بولسادا جەسىرىن قاڭعىرتپاعان، جەتىمىن جىلاتپاعان ەل ەمەسپە ەدىك؟! ەندەشە، بۇل جوباعا بەيجاي قاراماي، شەتەلدەردە قانداس باۋىرلارىمىز ءوسىپ كەلە جاتقانىن ۇمىتپايىق!
جىبەرىپ الماڭىزدار! قازاقستاندىق كورەرمەندەر ءۇشىن 7 -ماۋسىم كۇنى ساعات 10:50 دە «قازاقستان» ۇلتتىق تەلەارناسىنىڭ ەفيرىندە «شەتەلدەگى قازاق بالالارى» جوباسىنىڭ Ⅲ ماۋسىمى كورسەتىلەدى.
