ەڭ كىشكەنتاي عالامشاردىڭ انىق بەينەسى ءتۇسىرىلدى- فوتو
سول كۇنى امەريكالىق زوند سەرەرا عالامشارىنا ەڭ جاقىن نۇكتەدە، ياعني 5100 شاقىرىم قاشىقتىقتا تۇرعان بولاتىن. NASA اگەنتتىگىنىڭ ماماندارى عارىشتان جەتكەن سۋرەتتى وڭدەپ ۇسىندى.
سەرەرا - مارس پەن يۋپيتەر اراسىندا اينالاتىن جالعىز كىشى عالامشار. اتالعان ايماقتا كۇندى استەرويدتار دا اينالاتىندىقتان، ۇنەمى سوقتىعىس ورىن الىپ، عالامشاردىڭ بەتكى بەدەرىندە ويىقتار پايدا بولعان. سۋرەتتەن سەرەرانىڭ بەتكى بەدەرىندەگى سول ويىقتاردى انىق كورە الامىز.
$473 ميلليون قارجى قۇيىلعان Dawn عارىشتىق اپپاراتى ۆەستا مەن سەرەرانى زەرتتەۋ ماقساتىندا 2007 -جىلى ۇشىرىلدى. ۆەستا مەن تسەرەرا كۇن جۇيەسىنىڭ قالىپتاسۋى كەزىندە پايدا بولعان. دەگەنمەن، قازىرگى عالىمداردىڭ ەسەبى بويىنشا، اتالعان عارىش نىساندارى عالامشارلار قاتارىنا كىرمەيدى. ايتا كەتسەك، ۆەستا مەن سەرەرانىڭ قۇرىلىمىن زەرتتەۋ ارقىلى كۇن جۇيەسىنىڭ ەۆوليۋتسياسىن تانۋ - Dawn جوباسىنىڭ نەگىزگى ماقساتى.
2011 -جىلدىڭ شىلدەسى مەن 2012 -جىلدىڭ قىركۇيەگى ارالىعىندا Dawn اپپاراتى ۆەستادان 530 شاقىرىم الىستاعى وربيتا بويىمەن اينالا باستادى. ال سەرەراعا ەڭ جاقىن نۇكتەگە بيىلعى جىلدىڭ ءساۋىر ايىندا جەتىپ وتىر. وسىلايشا NASA عارىش اگەنتتىگىنىڭ جاڭا زەرتتەۋ اپپاراتى ەڭ كىشكەنتاي عالامشارلاردى جەردىڭ تارتىلىس كۇشىنەن الىس ايماقتا تۇرىپ زەرتتەگەن العاشقى عارىش كەمەسى اتاندى.
جوسپار بويىنشا، Dawn اپپاراتى ءوز جۇمىسىن 2016 - جىلى اياقتايدى.
massaget.kz
