عالىمدار ەر ادامنىڭ ايەلگە وپاسىزدىق جاساۋىن اقشامەن بايلانىستىردى

استانا. قازاقپارات - اقشا ماسەلەسىندە ايەلىنە تاۋەلدى ەر ادامداردىڭ 15 پايىزى وپاسىزدىق جاسايدى. American Sociological Review باسىلىمىنىڭ جۇرگىزگەن زەرتتەۋى وسىنداي ناتيجە كورسەتتى، - دەپ حابارلايدى Lenta.ru باسىلىمى.

الەۋمەت تانۋشى كريستين مۋنش ا ق ش- تىڭ 2752 تۇرعىنىنا زەرتتەۋ جۇرگىزگەن. «ايەلىنىڭ اقشاسىنا ءومىر سۇرەتىن ەر ادامدار ءوزىن باسقا ايەلدەرگە دالەلدەۋگە قۇمار بولادى»، - دەدى عالىم. وتباسىنداعى ورتاق تابىستىڭ 70 پايىزىن كۇيەۋى تاباتىن بولسا، ولاردىڭ باسقالارعا كوڭىل اۋدارۋ ىقتيمالدىلىعى تومەن ەكەنى انىقتالدى. الايدا 100 پايىز تابىس تاۋىپ، ايەلىن تولىقتاي قامتاماسىز ەتەتىن ەر ادامدار بوتەن ايەلدەرگە كوپ قارايدى.

ماماننىڭ ايتۋىنشا، مۇنداي جاعدايدا ايەلدەر كەرىسىنشە ويلايدى ەكەن. ەگەر، ۇيدەگى كىرىستىڭ 100 پايىزىن ايەل اكەلسە، ولار باسقا ەر ادامدارعا ءمان بەرمەيدى. سەبەبى، ايەلدەر تابىسى جوق ەر اداممەن نەكەدە تۇرۋدى وتباسىنداعى ادالدىق دەپ بىلەدى.