الەمنىڭ ەڭ سۇلۋ بالالارى - فوتو

شىنايى سۇلۋلىق دەگەنىمىز - جان سۇلۋلىعى مەن ءتان سۇلۋلىعىنىڭ ۇيلەسىمى. ال مىنا بالاقايلاردىڭ سۇلۋلىعى ەرەكشە تامساندىرادى.
كريستينا پيمەنوۆا
فرانسيادا فۋتبوليست پيمەنوۆ رۋسلان مەن سانبيكە گليكەريدىڭ وتباسىندا دۇنيەگە كەلگەن بۇل بالاقاي ءوزىنىڭ مانساپ جولىن President kids اگەنتتىگىندە نەبارى 3 جاسىندا باستايدى. ونىڭ يىعىنا توگىلگەن اققۇبا شاشى مەن، تۇنىق كوك كوزدەرى باتىس جۇرتشىلىعىن باۋراپ العان ەدى.
ەكى جىل ىشىندە 15 جارناما روليگىنە ءتۇسىپ، Prada, Burberry جانە Pitti Bimbo سىندى ايگىلى جۋرنالداردىڭ مۇقاباسىنا سۋرەتى شىققان. ايگىلى سۋمەركي فيلمىنىڭ ءتورتىنشى بولىمىندەگى رەنەسميدىڭ ءرولىن ويناۋ ءۇشىن كاستينگتەن وتكەن. الايدا جولدى ارىپتەسى ماككەنزي فويعا ۇسىنادى.
ماككەنزي كريستين فوي
ورىس قىزىنىڭ الدىن وراپ، ەدۆارد پەن بەللانىڭ قىزىن سومداعان بۇل قىز دا مانساپ جولىن سانبيكە بولۋدان باستايدى. كينوعا تۇسەر كەزدە نەبارى 11 جاستا بولعان ەكەن. كينو پروديۋسسەرلەر ونىڭ سۇلۋلىعىنا سۇقتانىپ، ارى قاراي دا باستى رولدەردى ۇسىنادى.
تيلان بلوندو
سانبيكە ءوزىنىڭ العاشقى جالاقىسىن 4 جاسىندا الىپ ۇلگەرگەن. فرانسۋزدىق بالاقاي قوعام پىكىرىنەن قورىقپاستان ەرەسەك قىزدارشا كيىنىپ، بيىك وكشەلى اياق كيىم كيەدى. العاشىندا بۇل قىلىعى سىنعا ۇشىراسا دا، ارتىنشا Jean Paul Gaultier ماركاسىمەن جۇمىس ىستەپ، Lacoste جارناماسىنا سۋرەتكە تۇسەدى.
يدەن ۆۋد
ونىڭ جەڭىسكە جەتكەنىن دالەلدەيتىن 300 تيتۋلى كوپ نارسەدەن حابار بەرەدى. التى جاسىندا سانبيكە ءوزىنىڭ تابىستى جۇمىسىنان باس تارتىپ، باسقا سالاعا بەت بۇرۋدى ويلايدى. Eden Wood Princess Canopy Bed Collection ونىمدەرىن شىعارادى.
دريشتي داحال
كاتماندۋلىق قىز - كورولدىك وتباسىنىڭ ۇرپاعى. وتكەن جىلى «Little Miss Universe 2014» اتاعىنا قول جەتكىزگەن بولاتىن. 43 مەملەكەتتىڭ قىزدارى قاتىسقان سايىستا جەڭىسكە جەتىپ، نەپالدىڭ ەڭ ۇزدىك تانىستىرۋشىسىنا اينالادى. حالقى ونى ماقتان تۇتادى.
ايارۋ باقىتبەك
الەمنىڭ ەڭ سۇلۋ بالالارىنىڭ قاتارىنا كىشكەنتايىنان تانىمالدىققا يە بولعان ايارۋدى دا قوسۋدى ۇيعاردىق. ايارۋ - «ينديگو» قاتارىنا جاتاتىن ەرەكشە بالا. «دوستارىمنىڭ كەڭەسىمەن «ينديگو بالالار» اتتى كىتاپتى وقىعان بولاتىنمىن. ونىڭ ىشىندەگى 10 پۋنكتى دە قىزىما سايكەس كەلىپ تۇر. مۇنداي بالالارمەن تەك ماحابباتپەن سويلەسۋىمىز كەرەك. باسقاشا تىلدەسۋ مۇمكىن ەمەس. ولاردى تەك ماقتاپ وتىرۋ كەرەك: «سەن حانشايىمسىڭ، سەن ەڭ كەرەمەتسىڭ، ءوتىنىش... مىناعان قالاي قارايسىڭ؟ سەنىڭ پىكىرىڭ قانداي؟» ول نەبارى ءۇش جاسىندا: «ەگەر سەن ماعان داۋىس كوتەرەتىن بولساڭ، مەن بارلىعىن كەرىسىنشە جاسايمىن! ەش ۋاقىتتا ماعان داۋىس كوتەرمە، مەن جاقسى كورمەي قويامىن، سەنىڭ مەنى جاسقى كورەتىنىڭە سەنبەيمىن!» - دەپ ايتقان بولاتىن»، - دەپ اناسى ءوز قىزىنىڭ ەرەكشە مىنەزىمەن ءبولىستى. بۇل تۋرالى بايان ەسەنتايەۆا detki.kz جاستارعا ارنالعان اقپاراتتىق پورتالىنا بەرگەن سۇحباتىندا بايانداعان.
بۇگىنگى تاڭدا ايارۋ تەك وتاندىق ەمەس، شەتەلدىك سايىستارعا دا قاتىسىپ ءجۇر.