ەسىنەن اداسقان دەي بەرىڭىزدەر، ءبىراق مەن گولوۆكيندى جەڭە الامىن - كارل فروچ
«تاياۋدا مانساپ جولىمدى اياقتاۋىم كەرەك ەكەنىن تۇسىنەمىن، ءبىراق بۇل شەشىمدى وسى اپتادا قابىلدادىم»، - دەپ جازادى talkSPORT فروچتىڭ ءسوزىن. - ءبىراق، بۇل حابارلاندىرۋ كەيىن بولادى. مەن ديگەيلمەن نەمەسە گولوۆكينمەن كەزدەسكىم كەلەدى. قازاقستاننىڭ وكىلىمەن كەزدەسەتىن سياقتىمىن. كوبى مەنى جەڭىسكە جەتە المايدى دەپ ويلايدى، ءبىراق سولاي ويلاعانى مەنى قايراي تۇسەدى. مەنى ەسىنەن اداسقان دەي بەرىڭىزدەر، ءبىراق مەن گولوۆكيندى جەڭە الاتىنىمدى بىلەمىن».
فروچ بۇعان دەيىن دە گولوۆكينمەن كەزدەسۋگە نيەتتى ەكەنىن مالىمدەگەن ەدى. اعىلشىن بوكسشىسى مالىمدەمەلەرىنىڭ بىرىندە قازاقستاندىقتى جەڭىلمەيتىن بوكسشى دەگەن ستاتۋسىنان ايىرعىسى كەلەتىنىن ايتقان بولاتىن.
الايدا ەكى سالماق كاتەگورياسى بويىنشا الەمنىڭ بۇرىنعى چەمپيونى پول ماليندجي فروچقا گولوۆكينمەن شىعىپ، تاۋەكەلگە بارماۋ كەرەكتىگىن ايتادى. ال تاعى ءبىر امەريكالىق ەكس-چەمپيون رەي مانچيني بولسا ءدال وسى كارل فروچتىڭ گولوۆكين ءۇشىن قاۋىپتى بولا الاتىنىن اتاپ ءوتتى.
ەسكە سالا كەتەيىك، گولوۆكين سوڭعى رەت 17- مامىردا امەريكالىق ۆيللي مونرو كىشىمەن كەزدەسىپ، ونى 6- راۋندتا جەڭگەن بولاتىن. گولوۆكين 33 جەكپە-جەك وتكىزىپ، بارلىعىندا جەڭىسكە جەتتى. 24 جەكپە-جەكتى ۋاقىتىنان بۇرىن اياقتادى. ول رينگكە قىركۇيەكتە شىعادى. دەگەنمەن، ونىڭ قارسىلاسىنىڭ ەسىمى ازىرشە بەلگىسىز.
