08:10, 02 - ماۋسىم 2015 | GMT +5
بوليۆيادا پوليتسەيلەر پرەزيدەنت مورالەستىڭ كولىگىنە وق جاۋدىردى
استانا. قازاقپارات - بوليۆيادا پوليتسيا قىزمەتكەرلەرى ەل پرەزيدەنتى ەۆو مورالەستىڭ كولىگىنە وق جاۋدىردى، دەپ حابارلايدى ت ا س س.
كولىكتىڭ ىشىندە پرەزيدەنتتىڭ بولماعانى تۋرالى حابارلانادى. ونىڭ جۇرگىزۋشىسى ەل باسشىسىن رەسمي استانا - سۋكرە قالاسىنا جەتكىزۋگە ءتيىستى ۇشاق باسقارۋشىسىن الىپ كەتۋگە بارا جاتقان، دەپ حابارلادى بوليۆيانىڭ ىشكى ىستەر ءمينيسترى كارلوس رومەرو. ونىڭ ايتۋىنشا، ادام ومىرىنە قاستاندىق جاساماققا ارەكەتتەنگەن ءتورت ادام ۇستالىپ، تۇسىنىكتەرىن بەرىپ جاتىر.
وقيعا كوچابامبا قالاسىندا ولاردىڭ اۆتوموبيلى ىشىندە پوليتسيانىڭ ەكى قىزمەتكەرى وتىرعان باسقا كولىكتىڭ جولىن كەسىپ وتكەندە بولعانى تۋرالى حابارلانادى. قۇقىق قورعاۋ ورگاندارىنىڭ قىزمەتكەرلەرى كولىكتەرىن كىلت توقتاتىپ، بۇلاردىڭ سوڭىنان ەكى رەت اتقان.
