يادرولىق قارۋدان باس تارتۋدىڭ ەكونوميكالىق تيىمدىلىگى

استانا. قازاقپارات - يادرولىق قارۋدان باس تارتقان قازاقستان قانداي جەتىستىككە قول جەتكىزدى؟ كەشە قازاقستان، رەسەي مەن ا ق ش ساراپشىلارى وسى تاقىرىپتى ورتاعا سالدى.

استانادا جاھاندىق قاۋىپسىزدىككە ارنالعان حالىقارالىق سەمينار باستالدى. سەنات ءتوراعاسى قاسىم- جومارت توقايەۆ « يسلام مەملەكەتىنىڭ» جۋىردا يادرولىق قارۋعا يە بولاتىنى تۋرالى مالىمدەمەسىنە نازار اۋدارۋ كەرەكتىگىن باسا ايتتى.

 ماماندار كيبەر تەرروريزمنىڭ دە قوعامعا قاۋىپتى ەكەندىگىن مويىندادى. ويتكەنى ونىڭ زاردابى جويقىن قارۋدان اسىپ ءتۇسۋى ابدەن مۇمكىن. وكىنىشكە قاراي، بۇل پروبلەمامەن بىرلەسە كۇرەسەتىن حالىقارالىق كەلىسىم ازىرگە بەكىمەگەن. دەگەنمەن قازاق ەلى جاپپاي قىرىپ- جويۋ قارۋىنا قارسى تۇرىپ، وزگەلەرگە ۇلگى بولدى. سەمەي پوليگونىن جاۋىپ، جويقىن قارۋدى تاراتپاۋعا كەلىستى.

قاسىم- جومارت توقايەۆ، ق ر پارلامەنتى سەناتىنىڭ ءتوراعاسى:

 - يادرولىق قارۋدان باس تارتۋ بىردەن- ءبىر ستراتەگيالىق دۇرىس شەشىم بولدى. سول ارقىلى ەلىمىز الەمدىك قوعامداستىقتا لايىقتى ورنىن يەلەندى. 190 ميلليارد دوللاردان استام ينۆەستيتسيا تارتۋمەن قاتار ەكونوميكادا تابىستى رەفورمالار جۇرگىزۋگە العىشارتتارتار جاسالدى. باستىسى، قاۋىپسىزدىكتى قامتاماسىز ەتتى. سونداي- اق قازاقستان جالپىعا ورتاق يادرولىق قارۋسىزدانۋعا قول جەتكىزۋ ءۇشىن باسقا مەملەكەتتەردەن پارمەندى ءىس- قيمىل تالاپ ەتۋگە مورالدىق جانە ساياسي قۇقىققا يە بولدى.