الماتىدا ستۋدەنتتىك قايىرىمدىلىق جارمەڭكەسى ءوتتى - فوتو
وعان جاستار ءوز قولدارىمەن جاساعان ءتۇرلى ءۇي تاعامدارى مەن قولونەر بۇيىمدارىن قويدى.
«بۇل اتاۋلى ناقتى كومەكتى ءبىز، 1 - ماۋسىم حالىقارالىق بالالاردى قورعاۋ كۇنىنە وراي ءبىرىنشى رەت وتكىزىپ وتىرمىز. ءبىزدىڭ ءبىر ستۋدەنتىمىزدىڭ اناسىنىڭ ارىپتەسىنىڭ 4 جاستاعى بيسۇلتان ەسىمدى ۇلى لەيكوز دەرتىنە شالدىققان ەكەن. ونى ەستىگەن ستۋدەنتتەر مەن وقىتۋشىلارىمىز ءوز ەرىكتەرىمەن وعان قولدارىنان كەلگەنىنشە كومەكتەسۋدى ۇيعاردى. ءبىر اپتا بويى دايىندالعان جاستارىمىز بۇگىن كوللەدج الدىنداعى اۋلاعا قايىرىمدىلىق جارمەڭكەسىن ۇيىمداستىردى. وعان جالپى باعاسى 60 مىڭ تەڭگەدەي بولاتىن وزدەرى ازىرلەگەن تاعامداردى، سۋسىنداردى جانە قولونەر بۇيىمدارىن قويدى. تۇسكەن قارجى بيسۇلتاندى ەمدەۋگە جۇمسالادى» ، - دەدى ءوز سوزىندە اتالمىش كوللەدجدىڭ ديرەكتورى جاندوس ماقاشيەۆ.
شارانى ۇيىمداستىرۋشىلاردىڭ ايتۋىنشا، «اۋىر ليفوبلاستىق لەيكوز» دەگەن قاۋىپتى دياگنوز قويىلعان بيسۇلتانعا وڭتۇستىك كورەيادا وتا جاساۋعا 175 مىڭ ەۋرو كەرەك ەكەن.
كوللەدج الدىنداعى تروتۋارمەن ءارى- بەرى وتكەن قالا تۇرعىندارى ءبىر ءسات ايالداپ، جاستاردان جارمەڭكە جايىندا سۇراپ جاتتى. كوبىسى جاعدايعا قانىققان سوڭ، قانداي دا ءبىر تاۋار ساتىپ الىپ، ستۋدەنتتەردىڭ ريزاشىلىعىنا بولەندى.
ايتا كەتەلىك، كەشە كوللەدج ستۋدەنتتەرىنىڭ كۇشىمەن قالالىق فۋتبول تۋرنيرى ۇيىمداستىرىلعان بولاتىن. وعان قاتىسقان 4 ستۋدەنتتىك كوماندا جارنا رەتىندە 17 مىڭ تەڭگەدەن تولەدى. جەڭىمپاز كوماندا جەڭىپ العان اقشالاي جۇلدەسىنىڭ جارتىسىن بيسۇلتاننىڭ جيناق بانكىندەگى شوتىنا سالدى.
بيسۇلتاننىڭ QIWI ءاميانى: +7 705 210 08 08
جارمەڭكەسى جارمەڭكەسى جارمەڭكەسى
اۆتور: جاپپاربەرگەن ايبوتا
