13:13, 01 - ماۋسىم 2015 | GMT +5
الماتىدا اقىن ورازالى دوسبوسىنوۆتى ەسكە الۋعا ارنالعان حالىقارالىق ايتىس مارەگە جەتتى
الماتى. قازاقپارات - الماتى قالاسىندا وتىزعا جەتپەي، ومىردەن ەرتە كەتكەن اقتاڭگەر اقىن ورازالى دوسبوسىنوۆتى ەسكە الۋعا ارنالعان «قۇلمامبەتتىڭ قۇلىنى» اتتى حالىقارالىق ايتىس مارەگە جەتتى.
ستۋدەنتتەر سارايىندا وتكەن دودادا باس جۇلدەنى جاس اقىن بولاتبەك ورازبايەۆ جەڭىپ الىپ، وعان الماتى وبلىسىنىڭ اكىمدىگى تاعايىنداعان 1 ميلليون تەڭگە جانە و. دوسبوسىنوۆ اتىنداعى كۋبوك بەرىلدى. ءبىرىنشى ورىندى ەنشىلەگەن رينات زايتوۆقا و. دوسبوسىنوۆتىڭ تۋىستارى اتىنان اۆتوكولىك سىيعا تارتىلدى. سونداي-اق فينالدا ر. زايتوۆپەن ايتىسقان باتىس قازاقستاندىق باۋىرجان حاليوللا مەن ايبەك قاليەۆ - ەكىنشى، باقىت جاعىپار مەن شاكەن راحمەتوللا ءۇشىنشى ورىندى يەلەندى.
مەيىربەك سۇلتانحان مەن ەركەبۇلان قاينازارعا دومبىرا تارتۋ ەتىلدى. فينالعا شىقپاعان اقىنداردىڭ بارلىعىنا 100 مىڭ تەڭگە اقشالاي سىيلىق بەرىلدى.
اۆتور: ەلجان ەرالى
