11:10, 01 - ماۋسىم 2015 | GMT +5
ايەلدەر تۇرمەسىندە سوتتالعانداردىڭ بالالارى ءۇشىن مەرەكەلىك شارا ۇيىمداستىرىلدى
استانا. قازاقپارات - الماتى وبلىسى جاۋعاشتى كەنتىندەگى لا-155/4 ايەلدەردىڭ تۇزەتۋ مەكەمەسىندە سوتتالعان ايەلدەردىڭ تۇرمەدە دۇنيەگە كەلگەن بالالارى مەن بالالار ۇيىندەگى بالالارى ءۇشىن مەرەكەلىك شارا ۇيىمداستىرىلدى.
بۇل تۋرالى الماتى قالاسى مەن الماتى وبلىسى بويىنشا ق ا ج دەپارتامەنتىنەن حابارلادى.
«حالىقارالىق بالالار كۇنى قارساڭىندا مەرەكەلىك شارا ۇيىمداستىرۋ داستۇرگە اينالدى. بۇل جولى «جارتاس قازاقستان» جانە «جەتى اعاش» قوعامدىق قورلارى بالالارعا مەرەكەلىك شارا ۇيىمداستىرىپ قانا قويماي، ءتۇرلى سىيلىقتار تارتۋ ەتتى»، - دەپ اتاپ ءوتتى لا-155/4 تۇزەتۋ مەكەمەسىنىڭ تاربيە ءبولىمىنىڭ باستىعى ۆيتالي شۋكين.
«شاراعا كولونيادا دۇنيەگە كەلگەن ءۇش جاسقا دەيىنگى 30 بالدىرعان مەن الماتى قالاسى جانە الماتى وبلىسىنداعى بالالار ۇيلەرىندەگى سوتتالعانداردىڭ بەستەن 13 جاسقا دەيىنگى 10 بالاسى قاتىستى»، - دەپ قوستى ۆ. شۋكين.
