10:37, 01 - ماۋسىم 2015 | GMT +5
استانادا «حالىقارالىق بالالاردى قورعاۋ كۇنى» مەرەكەسىنە وراي توعىزقۇمالاقتان جارىس وتەدى
استانا. قازاقپارات - بۇگىن «1- ماۋسىم - حالىقارالىق بالالاردى قورعاۋ كۇنى» مەرەكەسىنە وراي ءتول سپورتىمىز - توعىزقۇمالاقتان استانا قالاسىنىڭ كۋبوگى ءۇشىن «جاس ءۇمىت» Ⅲ رەسپۋبليكالىق جاسوسپىرىمدەر جارىسى باستالادى.
بۇل تۋرالى ق ر توعىزقۇمالاق سپورتى فەدەراتسياسىنىڭ باسپا ءسوز ورتالىعى حابارلادى.
جارىستى ق ر توعىزقۇمالاق سپورتى فەدەراتسياسى جانە استانا قالاسى تۋريزم، دەنە تاربيەسى جانە سپورت باسقارماسى ۇيىمداستىرىپ وتىر. اتالمىش باسەكەگە ەلىمىزدىڭ 12 وبلىسى جانە استانا، الماتى قالالارىنان 100 دەن استام سپورتشى قاتىسادى. 4- ماۋسىمعا دەيىن جالعاساتىن جارىس جەكەلەي-كوماندالىق ەسەپتە شۆەيتسار جۇيەسىمەن 7 تۋردا وتەدى. بۇگىن 14:30-دا ەلورداداعى «اراي» ساياباعىندا جارىستىڭ اشىلۋ سالتاناتى بولادى.
كۇنسۇلتان وتارباي
