مەسسيدىڭ سوققان گولى «جات گالاكتيكالىق گول» دەگەن اتقا يە بولدى - كەسكىن

استانا. قازاقپارات - «بارسەلونا» كومانداسىنىڭ فورۆاردى ليونەل مەسسيدىڭ يسپانيا كۋبوگىندا بيلباونىڭ «اتلەتيك» كومانداسىنا سوققان گولىنا كاتالونداردىڭ باپكەرى لۋيس ەنريكە «جات گالاكتيكالىق گول» دەگەن ات بەردى، - دەپ حابارلايدى Goal.com.

«ءبىز وسىنداي مەسسيگە ۇيرەنىپ قالدىق. جولىمىز بولدى، ونىڭ شەبەرلىگىن كۇندە وتەتىن جاتتىعۋدا تاماشالايمىز. ونىڭ ءبىرىنشى گولى جات گالاكتيكالىق گول بولدى»، - دەپ مالىمدەدى باپكەر.

ايتا كەتەيىك، عاجاپ- گولدىڭ ۆيدەوسى YouTube پورتالىندا رەكورد جاسادى. مەسسيدىڭ ءتورت ادامدى الداپ، قاقپاعا دوپتى ءدال سوققانى بەينەلەنگەن روليك ءبىر تاۋلىكتىڭ ىشىندە ميلليوننان استام كورىلىم جيناپ ۇلگەردى.

ەسكە سالا كەتەيىك، «بارسەلونا» مەن «اتلەتيك» كوماندالارىنىڭ كەزدەسۋى يسپانيا كۋبوگىنىڭ فينالى بولدى. ويىن «كامپ نوۋ» ستاديونىندا 30 -مامىردا ءوتتى. ماتچ 3:1 ەسەبىمەن كاتالونداردىڭ پايداسىنا شەشىلدى.


kaz.tengrinews.kz