بولاشاق اۆياتورلار اسكەري انت قابىلدادى - فوتو
بۇل تۋرالى ق ر ق م باسپا ءسوز قىزمەتى حابارلادى.
«مەن پاۆلودار قالاسىنىڭ تۋماسىمىن» . بۇگىن مەن جانە مەنىڭ 49 قارۋلاسىم ۇلكەن ماقتانىشپەن اسكەري انت قابىلدادى. بۇل ءبىزدىڭ ومىرىمىزدەگى اتاۋلى كۇن، سەبەبى، بۇگىن ءبىزدىڭ وتان قورعاۋشىلارىمەن بىرگە ءبىر قاتارعا تۇردىق»، - دەپ ءوزىنىڭ العان اسەرىمەن ءبولىستى مەرزىمدى قىزمەت اسكەري قىزمەتشىسى شىڭعىس جۇماميدين ۇلى.
وسى ساتتەن باستاپ جاس جەتكىنشەكتەر قازاقستان قارۋلى كۇشتەرىنىڭ قاتارىنا رەسمي تۇردە قابىلداندى. ولار وزدەرىنىڭ تۋعان- تۋىسقاندارىمەن ءبىر جىلعا قوشتاستى جانە العاش رەت ءبىرىڭعاي ساپپەن اسكەري ءبولىمنىڭ الاڭقايىنان ادىمداپ ءوتتى.
ەندى جەتكىنشەكتەر 44813 اسكەري بولىمىندە قىزمەت ەتىپ، كۇردەلى اسكەري عىلىمدى تاني باستايدى. مۇمكىن، ءبىر جىلعى مەرزىمدى قىزمەتتەن كەيىن بۇگىنگى جاس بۋىن كەلىسىمشارت بويىنشا اسكەري قىزمەتشىلەر رەتىندە قازاقستاندىق اسكەر قاتارىن تولىقتىراتىن شىعار.
