02:47, 31 - مامىر 2015 | GMT +5
ءمادينانىڭ ۇلىنىڭ تۇساۋىن روزا كەستى
استانا. قازاقپارات - ءبىر جاسقا كەلىپ قالعان ءانۋاردىڭ تۇساۋىن بەلگىلى ونەر يەسى روزا قۋانىش قىزى كەسىپ، اق باتاسىن بەرىپ ءتاي-ءتاي باسقىزدى.
قاز-قاز بالام قاز بالام، قادام باسساڭ ءماز بولام.
تاعى-تاعى باسا عوي، تاقىمىڭدى جاز بالام.
قاز باسا عوي، قاراعىم،
قۇتتى بولسىن، قادامىڭ - دەپ قازاق حالقى بالاسىنىڭ تۇساۋىن كەسەدى. سول سياقتى ۇلتتىق ارنانىڭ «روزا شاقىرادى» اتتى مۋزىكالىق شوۋ باعدارلاماسىنا ءمادينا ۇلىمەن بىرگە قوناققا كەلگەن بولاتىن. سول جەردە ءانۋاردىڭ تۇساۋىن كەسكەن ونەردەگى اپكەسى اق جول تىلەپ، جولى اشىق بولسىن دەپ باتاسىن بەردى. روزا نارەستەنىڭ تۇساۋىن ارتىنان كەسەدى ەكەن.
ول بالانىڭ الدىن بايلاماۋ كەرەك دەگەن ىرىم شىعار. باستىسى اتا-اناسى ءدان ريزا بولىپ، ەستە قالاتىن تاريحي ساتكە اينالدى. كەزىندە ءمادينانىڭ ۇلكەن ساحنادا ءان سالىپ تانىمال بولۋىنا دا وسى روزا كومەكتەسكەن ەدى. كويلەكتەرىن بەرىپ، ءارقاشان قولداپ، دەمەۋ بولعان ەكەن. ءانۋاردىڭ قادامى قۇتتى بولسىن!!!
comode.kz
