قازىعۇرتتا ليمون جايقالىپ تۇر - كەسكىن
بەس جىل بۇرىن قولعا الىنعان بۇل شارۋاشىلىق جىلىنا 3 مىڭ تونناعا دەيىن ءونىم بەرەدى، دەپ جازادى otyrar.kz.
بابى كەلىسسە جومارت جەردە جەمىس بەرمەيتىن داقىل جوق. ايتسە دە اناۋ-مىناۋ جەردى جەرسىنبەيتىن جەمىس داقىلدارىنىڭ ءبىرى - ليمون. كۇنگەيدە ەگىلگەن كىرپياز كوشەتتىڭ ءاربىر تۇبىنەن قازىر شارۋالار 50 كەلىگە دەيىن ءونىم الىپ جاتىر.
سەرىكتەستىك جۇمىسشىسى اتابەك ساليقوۆ ليمون كوشەتتەرىنە كۇتىم جاساۋدى بەس ساۋساقتاي بىلەدى. ارنايى كۋرستان ءدارىس العان باعبان التى سوتتىق جەردەن توننالاپ ءونىم الادى.
سونىمەن بىرگە سەرىكتەستىككە قاراستى 4 گەكتار جەرگە قىزىناق ەگىلگەن. زاماناۋي ۇلگىدە جابدىقتالعان جىلىجايدا 150 مىڭ ءتۇپ كوشەت ءوسىپ تۇر. جىلىنا 450 مىڭ توننا ءونىم استانا، الماتى جانە شىمكەنت قالالارىنا جونەلتىلەدى. قازىعۇرتتىڭ قىزاناعىنا شەت مەملەكەتتەردەن دە سۇرانىس ءتۇسىپ جاتىر.
قازىر سەرىكتەستىكتە 40 شاقتى جۇمىسشى ىستەيدى. ماۋسىم كەزىندە ون شاقتى تەرىمشى جۇمىلدىرىلادى. شارۋاشىلىق وكىلدەرى الداعى ۋاقىتتا جىلىجاي اۋماعىن كەڭەيتىپ، ءونىم تۇرلەرىن كوبەيتۋ نيەتتە.
