ف ي ف ا پرەزيدەنتى بلاتتەر بەس جىلدىق مەرزىمگە قايتا سايلاندى

استانا. قازاقپارات - حالىقارالىق فۋتبول فەدەراتسياسىنىڭ (ف ي ف ا) پرەزيدەنتى يوزەف بلاتتەر بىردەن-ءبىر باسەكەلەسى ءالي بين ءال-حۋسەين سايلاۋدىڭ ەكىنشى تۋرىندا كۇرەستى جالعاستىرۋدان باس تارتقان سوڭ بەس جىلدىق مەرزىمگە قايتا سايلاندى.

ۇيىمنىڭ تسيۋريحتەگى كونگرەسىندە 79 جاستاعى بلاتتەر ءبىرىنشى تۋردا 133 داۋىس، ال ونىڭ قارسىلاسى - 73 داۋىس جينادى. ەكىنشى تۋردا وعان قاراپايىم كوپشىلىك داۋىس جيناسا جەتكىلىكتى بولدى.

تاريحتا العاش رەت ف ي ف ا باسشىسىن سايلاۋ ءىرى سىبايلاس جەمقورلىق جانجالى تولقىنىندا وتۋدە. سارسەنبى كۇنى تسيۋريحتە ف ي ف ا- نىڭ جوعارى لاۋزىمدى شەنەۋنىكتەرى سىبايلاس جەمقورلىققا ايىپتالىپ، تۇتقىندالدى، ولاردىڭ اراسىندا ف ي ف ا اتقارۋ كوميتەتىنىڭ ۆيتسە-پرەزيدەنتتەرى دجەففري ۋەبب مەن ەۋحەنيو فيگەرەدو، سونداي-اق ەدۋاردو لي، حۋليو روكا، كوستاس تاككاس، رافاەل ەسكيۆەل، حوسە ماريا مارين بار.

تاعى ءبىرقاتار شەنەۋنىكتەرگە ايىپتاۋ جاريالاندى، ول سولتۇستىك جانە ورتالىق امەريكا جانە كاريب الابى ەلدەرى فۋتبول كونفەرەراتسياسىنىڭ ەكس-پرەزيدەنتى، بۇرىن ف ي ف ا ۆيتسە-پرەزيدەنتى بولعان دجەك ۋورنەر پەن نيكوليا لەوس.

اڭگىمە ف ي ف ا- داعى سوڭعى ەكى ونجىلدىق بويىنا جالعاسقان الەم چەمپيوناتتارى، ماركەتينگىلىك جانە تاراتۋ وتىنىمدەرى توڭىرەگىندەگى كەڭ اۋقىمدى سىبايلاس جەمقورلىق جونىندە بولىپ وتىر. ايىپتاۋ اراسىندا الاياقتىق، ارەكەت جانە اقشانى جىلىستاتۋ قىلمىستارى دا بار. شەنەۋنىكتەر تسيۋريحتەگى قوناقۇيدە ۇيىم پرەزيدەنتىن كەزەكتى سايلاۋدى كۇتىپ وتىرعان بولاتىن. شۆەيتساريانىڭ فەدەرالدىق ادىلەت دەپارتامەنتى مەن پوليتسياسى سونداي-اق 2018 جانە 2022-جىلدارداعى الەم چەمپيوناتتارىن وتكىزەتىن ەلدەر - رەسەي مەن كاتاردى تاڭداۋعا بايلانىستى قىلمىستىق ءىستى اشتى، وندا ف ي ف ا- نىڭ ەتيكا جونىندەگى كوميتەتى تەرگەۋ پالاتاسىنىڭ بۇرىنعى باسشىسى مايكل گارسيانىڭ ەسەبى مالىمەتتەرى بەلگىلى بولدى. 2010-جىلى رەسەي مەن كاتار تيىسىنشە 2018 جانە 2022-جىلدارداعى فۋتبولدان الەم چەمپيوناتتارىن وتكىزۋ قۇقىعىنا يە بولعان ەدى، دەپ جازادى ر ي ا نوۆوستي.