قوستانايلىق اقىن ۋفاداعى ۇلتتىق مادەنيەتتەر فەستيۆالىنە قاتىسادى
«بەردەملەك-دوستاستىق» ۇلتتىق مادەنيەتتەر حالىقارالىق فەستيۆالى بيىلعى جىلى رەسەيدىڭ شاڭحاي ىنتىماقتاستىق ۇيىمىنا (ش ى ۇ) ءتوراعالىعى جوسپارىنا ەنگىزىلدى. سونىمەن بىرگە مەرەكە 2015-جىلعى CIOFF نەگىزگى شارالارى كۇنتىزبەسىنە ەنگىزىلگەن رەسەيدەگى التى حالىقارالىق فەستيۆالداردىڭ ءبىرى. سوڭعى جىلدارى ول «رەسەي مادەنيەتى» فەدەرالدىق ماقساتتى باعدارلاماسىنىڭ اۋقىمىندا وتكىزىلىپ كەلەدى، دەپ حابارلادى «ۋ ف ا-2015» ش ى ۇ بريكس كەڭسە-توبى باسپا ءسوز قىزمەتى.
ازامات مۇقاتوۆ - حالىقارالىق كونكۋرستار مەن فەستيۆالداردىڭ لاۋرەاتى.
باشقۇرتستان كورەرمەندەرىنە ازامات مۇقاتوۆتىڭ ەسىمى جاقسى تانىس. ءانشى ۋفاعا العاش رەت 2002-جىلى تۇركى جاستارىنىڭ «ۋرال مونو» مۋزىكالىق شىعارماشىلىعى حالىقارالىق كونكۋرس-فەستيۆالىنە قاتىسۋ ءۇشىن كەلىپ، جۇلدەگەر بولدى. 2012 جانە 2014-جىلدارى وسى كونكۋرستىڭ قازىلار القاسىنىڭ مۇشەسى بولدى.
«بەردەملەك-دوستاستىق» ۇلتتىق مادەنيەتتەر حالىقارالىق فەستيۆالىنە ازامات ۇنەمى قاتىسىپ كەلەدى. ول 2004, 2007, 2011, 2013-جىلدارداعى لاۋرەات.
قازاق جەرىنىڭ تاعى ءبىر وكىلى - «نازىك» فولكلورلىق- ەتنوگرافيالىق ءانسامبلى دە وسى فەستيۆالعا جولداما الدى. ءانسامبلدىڭ قۇرامىندا - ۆوكالدى-اسپاپتىق ورىنداۋشىلار عانا، ال باستى رەكۆيزيتتەرى - ەجەلگى مۋزىكالىق اسپاپتار. توپ رەپەرتۋارىندا - كلاسسيكتەردىڭ بۇرىن ۇمتىلىپ، كوپ ەستىلە بەرمەيتىن كومپوزيتسيالارى - كۇيلەر مەن اندەر جاڭا ىرعاقپەن ورىندالادى.
