عالىمدار: تاڭعى اس ىشپەۋ بالالاردىڭ وقۋ ۇلگەرىمىن تومەندەتەدى

استانا. قازاقپارات - اۆستراليا عالىمدارى تاڭعى اس ىشپەيتىن بالالاردىڭ بىلىمگە قۇشتارلىعى باسەڭدەيدى دەگەن پىكىر ايتۋدا.

زەرتتەۋ كەزىندە ماماندار 532 مەكتەپ مۇعالىمدەرىمەن ساۋالناما جۇرگىزدى. ۇستازداردىڭ ۇشتەن ەكى بولىگى وقۋشىلاردىڭ باسىم بولىگى ساباققا اش كەلەتىندىگىن اڭعارعان. ورتا ەسەپپەن السا، سىنىپتاعى ءۇش بالا عانا تاڭعى اس ءىشىپ جۇرگەن. تاڭعى اس ىشپەگەندەردىڭ قاتارىنداعى وقۋشىلاردىڭ 73 پايىزىندا ساباققا ىنتا بولماعان، ال 66 پايىزى تەز شارشاپ قالسا، 54 پايىزىندا وقۋ ۇلگەرىمى تومەن بولعان، 52 پايىزىندا ءتارتىبى ناشار بولعان.

سونداي-اق مۇعالىمدەر ساباققا اش كەلەتىن وقۋشىلار باسقالارعا قاراعاندا ۇنەمى كەشىگىپ جۇرەتىندىگىن اڭعارعان. ساۋالناماعا قاتىسقان ۇستازداردىڭ 29 پايىزى بۇنداي بالالار ساباقتى ءجيى قالدىراتىندىعىن ايتقان. ال تاڭعى اس بەرەتىن مەكتەپتەردە ناتيجەلەر جاقسى بولعان.

وسىلاردى ەسكەرە كەلىپ ماماندار تاڭعى اس بالالاردىڭ 97 پايىزىنىڭ فيزيكالىق دەنساۋلىعىنا جانە 91 پايىزىنىڭ پسيحيكالىق دەنساۋلىعىنا وڭ اسەرىن تيگىزەتىندىگىن ايتادى. سونداي-اق تاڭعى استى ۇنەمى ءىشىپ جۇرەتىن وقۋشىلاردىڭ 83 پايىزىندا ادامدارمەن قارىم-قاتىناس جاقسى بولعاندىعىن ايتىپ وتەدى، دەپ جازادى شەتەلدىك ب ا ق.