ە ا ە و مەن ۆەتنام ەركىن ساۋدا ايماعىن قۇرۋ تۋرالى كەلىسىمدى راسىمدەدى

 بۋراباي. قازاقپارات - اقمولا وبلىسىنا قاراستى بۋراباي كەنتىندە ءوتىپ جاتقان ەۋرازيالىق ۇكىمەتارالىق كەڭەس اياسىندا ەۋرازيالىق ەكونوميكالىق وداققا مۇشە مەملەكەتتەر مەن ۆەتنام سوتسياليستىك رەسپۋبليكاسى اراسىندا ەركىن ساۋدا ايماعىن قۇرۋ تۋرالى كەلىسىمگە قول قويىلدى.

 قۇجاتتى راسىمدەۋگە ە ە ك القاسىنىڭ ءتوراعاسى ۆ. حريستەنكو، سونىمەن قاتار ق ر پرەمەر- ءمينيسترى ك. ءماسىموۆ، ارمەنيا پرەمەر- ءمينيسترى و. ابراميان، بەلارۋس پرەمەر- ءمينيسترى ا. كوبياكوۆ، قىرعىزستان پرەمەر- ءمينيسترى ت. ساريەۆ، رەسەي ۇكىمەتىنىڭ ءتوراعاسى د. مەدۆەديەۆ، ۆەتنام سوتسياليستىك رەسپۋبليكاسىنىڭ پرەمەر- ءمينيسترى نگۋەن تان زۋنگ قاتىستى.

«بۇل كەلىسىم ءبىزدىڭ رەتتەۋ سالامىزداعى بارلىق تاۋار ۇستانىمدارىنىڭ 90 پايىزدان استامى بويىنشا ەركىن ساۋدا رەجىمىن ورناتۋعا باعىتتالعان»، - دەدى د. حريستەنكو.

 ونىڭ اتاپ وتۋىنشە، كەلىسىم ە ا ە و مەن ۆەتنام اراسىنداعى قازىرگى 4 ميلليارد دوللار كولەمىندە ساۋدا - ساتتىقتى 2020 - جىلعا قاراي 10 ميلليارد دوللارعا ارتتىرۋدى كوزدەيدى.

بۇعان قوسا، ونىڭ اتاپ وتۋىنشە، اتالعان تاۋار تۇرلەرىنىڭ جارتىسىنا جۋىعىنا كەلىسىم كۇشىنە ەنگەن ساتتەن باستاپ سالىق سالىنبايدى. ال قالعان جارتىسىنا سالىق سالماۋ رەجىمى قىسقا كوشپەلى كەزەڭنىنە كەيىن قولدانىلا باستايدى.

«كەلىسىم تەڭ جەڭىلدىكتى ساۋدا رەجىمىن عانا ەمەس، سونىمەن بىرگە زياتكەرلىك مەنشىك جانە باسقا دا باعىتتارداعى قۇقىقتارى باسقارۋ ماسەلەلەرىن قامتيدى»، - دەپ ءتۇسىندىردى ول.

ايتا كەتەيىك، كەلىسىم اقمولا وبلىسىنا قاراستى بۋراباي كەنتىندە وتكەن ەۋرازيالىق ەكونوميكالىق كەڭەس وتىرىسىنان كەيىن راسىمدەلگەن بولاتىن.