ا ق ش پۋتيننىڭ مەملەكەتتىك قۇپيا تۋرالى جارلىعىن سىنادى
ا ق ش مەملەكەتتىك دەپارتامەنتى وكىلى دجەف راتكەنىڭ مالىمدەۋىنشە، بۇل جارلىق - ماسكەۋدىڭ ۋكراينا تەرريتورياسىنداعى قۇپيا وپەراتسيالارى كەزىندە رەسەيلىك اسكەريلەردىڭ قازا تاپقانى تۋرالى مالىمەتتەردى جاسىرۋ ارەكەتى.
«ءبىز بۇل جارلىقتى بارلىعىنا ءمالىم جايتتاردى، ناقتى ايتساق رەسەي اسكەرىنىڭ ۋكراينا شىعىسىندا اسكەري وپەراتسيالارعا قاتىسىپ، قازا تاپقانىن جاسىرۋ ارەكەتى دەپ باعالايمىز»- دەدى راتكە 28 - مامىردا باسپا ءسوز جيىنىندا.
دجەف راتكە ۋكراينا تەرريتورياسىندا ارەكەت ەتەتىن رەسەيلىك اسكەريلەردىڭ كيىمدەرىنەن ايىرىم بەلگىلەرىن الىپ تاستايتىنىن جانە وزدەرىمەن بىرگە ەشقانداي قۇجاتى بولمايتىنىن ايتادى. بۇدان وزگە، رەسەي اسكەرى تەحنيكالارىن بوياپ، ونداعى رەسەي تۋىنىڭ سۋرەتىن ءوشىرىپ تاستايدى.
رەسەي پۋتين جارلىعىنىڭ ۋكرايناعا ەشقانداي قاتىسى جوعىن ايتادى. بۇعان دەيىن پۋتيننىڭ باسپا ءسوز حاتشىسى دميتري پەسكوۆ جارلىق رەسەيدىڭ مەملەكەتتىك قۇپيا جونىندەگى زاڭنامالارىن جەتىلدىرۋگە ارنالعان دەپ مالىمدەگەن.
«ازاتتىق»
