ىستىقكولدە ت م د ەلدەرىنىڭ قورعانىس مينيسترلەرى كەزدەسەدى

بىشكەك. قازاقپارات - 3- ماۋسىمدا قىرعىزستاننىڭ شولپان اتا قالاسىندا ت م د اتقارۋشى حاتشىسى - اتقارۋشى كوميتەت ءتوراعاسى سەرگەي لەبەديەۆتىڭ قاتىسۋىمەن دوستاستىق مەملەكەتتەرىنىڭ قورعانىس مينيسترلەرى كەڭەسىنىڭ وتىرىسى وتەدى.

دوستاستىقتىڭ اتقارۋشى كوميتەتى حابارلاعانداي، كەڭەس مۇشەلەرى 2016-جىلى وتەتىن ءوز ەلدەرىنىڭ قارۋلى كۇشتەرىنىڭ بىرلەسكەن شارالارىن بەلگىلەپ، 2015-جىلعى تامىزعا بەلگىلەنگەن حالىقارالىق ارميالىق ويىندار مەن دوستاستىق ەلدەرىنىڭ اۋەگە قارسى قورعانىسى بىرلەسكەن جۇيەسىنىڭ «جاۋىنگەرلىك دوستاستىق-2015» بىرلەسكەن وقۋ-جاتتىعۋىنا دايىندىق بارىسىن تالقىلايدى.

2015-جىلعى ناۋرىز-مامىر ارالىعىندا وتكەن جوعارى ءبىلىم بەرۋ ۇيىمدارى كۋرسانتتارىنىڭ حالىقارالىق وليمپياداسىنىڭ قورىتىندىسى شىعارىلادى.

وتىرىستا ت م د ەلدەرى ا ك- دە ۇشۋ قاۋىپسىزدىگىنىڭ جاي-كۇيى، ميناسىزداندىرۋ سالاسىندا، اسكەري مەترولوگيا پروبلەمالارىن زەرتتەۋ، قارۋلى كۇشتەردى مەترولوگيالىق قامتاماسىز ەتۋ سالاسىندا مامانداردى دايىنداۋ بويىنشا بازالىق ۇيىمدار تۋرالى ماسەلەلەردى تالقىلاۋ جوسپارلانۋدا.