ن. نازاربايەۆ د. مەدۆەديەۆكە «باتىس ەۋروپا-باتىس قىتاي» ماگيسترالىن پەتەربورعا دەيىن سوزۋدى ۇسىندى
«اۆتوموبيل ماگيسترالىنىڭ قۇرىلىسىن اياقتايمىز. ول قىتايدان رەسەي شەكاراسىنا دەيىنگى 2700 شاقىرىمدىق زاماناۋي اۆتوبان بولادى. اعىمداعى جىلى ءبىز اياقتايمىز. وسىناۋ تاماشا جولدىڭ بويىندا كوپتەگەن بيزنەس ورىندارى پايدا بولادى. مەن دميتري اناتوليەۆيچكە وسى جولدى اقتوبەدەن قازان، سانكت-پەتەربور جانە ەۋروپاعا دەيىن سوزۋدى ۇسىنامىن»، - دەدى ەلباسى.
سونىمەن قاتار مەملەكەت باسشىسى قازاقستان اۋماعىمەن بەتپاقدالا ارقىلى 1200 شاقىرىمدىق تەمىر جول سالىنعانىن، ول قىتاي جاعالاۋىن كاسپي تەڭىزىمەن جالعايتىندىعىن اتاپ ءوتتى.
«ءبىز قىتايلىق سەرىكتەستەرمەن كەلىسىمگە كەلىپ، تىنىق مۇحيتىنا شىعاتىن سارى تەڭىزدەگى ليانيۋنگان ايلاعىندا ۇلكەن تەرمينال سالدىق. اعىمداعى جىلدىڭ وزىندە كونتەينەرلىك جيىرما پويىز وتكىزدىك. 2020-جىلعا قاراي قازاقستان، رەسەي ارقىلى ەۋروپاعا 200 پويىز وتەتىن بولادى»، - دەدى ق ر پرەزيدەنتى.
اۆتور: مارلان جيەمباي
