جاپونيادا جانارتاۋ وياندى: اتقىلاعان ءساتى كەسكىنگە ءتۇسىرىلدى
جانارتاۋ بيىكتىگى قاۋىپتىلىكتىڭ بەسىنشى دەڭگەيىنە جەتكەندىكتەن، تۇرعىندار شۇعىل ەۆاكۋاتسيالانىپ جاتىر. ارالدا 137 ادام تۇرادى.
قارا ءتۇتىن مەن كۇلدىڭ قالدىعى جەرگىلىكتى ۋاقىت بويىنشا ساعات 9.59 دا (استانا ۋاقىتىمەن ساعات 06.59) باقىلاۋ كامەراسىنا ءتۇسىپ قالعان. كۇلدىڭ بيىكتىگى 9000 مەترگە دەيىن جەتتى.
جانارتاۋدىڭ اتقىلاۋىنا بايلانىستى جاپونيا پرەمەر-ءمينيسترى سيندزو ابە كەڭسەسىنىڭ داعدارىس ورتالىعىمەن جەدەل شتاب قۇرىلدى. «جاقىن ارادا جانارتاۋ بۇدان دا قاتتى اتقىلاۋى مۇمكىن»، - دەدى باسقارما ءتوراعاسى.
سوڭعى ۋاقىتتا جاپونيادا جانارتاۋ اتقىلاۋى كوپتەپ تىركەلىپ وتىر. وتكەن جىلدىڭ قىركۇيەگىندە ناگانو پرەفەكتۋراسىندا ونتاكە جانارتاۋى ويانىپ، 57 ادام كوز جۇمدى. ەكى ايدان كەيىن ەلدىڭ وڭتۇستىگىندە اسو جانارتاۋىنىڭ سوڭعى 19 جىلداعى ەڭ ۇلكەن اتقىلاۋى بولدى. مامىر ايىنىڭ باسىندا توكيو ماڭىنداعى حاكونە تاۋىندا جانارتاۋ وياندى.
عالىمداردىڭ ايتۋىنشا، جاپونيادا فۋدزي جانارتاۋى قايتا ويانۋى مۇمكىن. ونىڭ سالدارى توكيو قالاسىندا دا سەزىلەدى دەپ كۇتىلىپ وتىر. جانارتاۋدىڭ ويانۋى 120 ميلليون ادامنىڭ ومىرىنە قاۋىپ ءتوندىرىپ تۇر.
