ت م د ۇكىمەت باسشىلارى كەڭەسىنىڭ كەلەسى وتىرىسى قازاندا دۋشانبەدە وتەدى
«مەن بارلىق ارىپتەستەرىمە كەڭەستىڭ كەلەسى كەزدەسۋىن وتىزىنشى قازان كۇنى دۋشانبەدە وتكىزۋگە كەلىسىم بەرگەندەرى ءۇشىن العىسىمدى بىلدىرەمىن. بارلىقتارىڭىزدى تاجىكستان استاناسىنا زور ريزاشىلىقپەن شاقىرامىن ءارى سىزدەردىڭ دۋشانبە قالاسىنا كەلۋلەرىڭىزگە بارىنشا جايلى جاعداي جاسايتىندىعىمىزعا سەندىرەمىن»، - دەدى تاجىكستان پرەمەر-ءمينيسترى ك. راسۋلزودا.
ايتا كەتەيىك، وتىرىسقا ق ر پرەمەر-ءمينيسترى ك. ءماسىموۆ، ارمەنيا پرەمەر-ءمينيسترى و. ابرااميان، بەلارۋس پرەمەر-ءمينيسترى ا. كوبياكوۆ، قىرعىزستان پرەمەر-ءمينيسترى ت. سارييەۆ، مولداۆيا پرەمەر-ءمينيسترى ك. گابۋريچ، رەسەي ۇكىمەتىنىڭ ءتوراعاسى د. مەدۆەديەۆ قاتىسۋدا.
سونىمەن قاتار بۇل جيىنعا قاتىسۋشىلار قاتارىندا ازەربايجان ۇكىمەت باسشىسىنىڭ ءبىرىنشى ورىنباسارى يا. ەيۋبوۆ، تۇركىمەنستان مينيسترلەر كابينەتى ءتوراعاسىنىڭ ورىنباسارى س. ساتلىكوۆ، وزبەكستان پرەمەر-ءمينيسترىنىڭ ورىنباسارى ا. يكراموۆ، ۋكراينانىڭ قازاقستانداعى ىستەرىنىڭ ۋاقىتشا سەنىمدى وكىلى يۋ. لازەبنيك، ت م د اتقارۋشى كوميتەتىنىڭ ءتوراعاسى س. لەبەديەۆ تە بار.
اۆتور: مارلان جيەمباي
