12:05, 29 - مامىر 2015 | GMT +5
ۆاشينگتوندىق مەترو پايعامبار كاريكاتۋراسىن جارنامالاۋدان باس تارتتى
استانا. قازاقپارات - ۆاشينگتوندىق مەتروپوليتەن اكىمشىلىگى «امەريكالىق بوستاندىقتى قورعاۋ باستاماسى» ۇيىمى مۇحاممەد (س. ع. س) پايعامباردىڭ كاريكاتۋراسىن ورنالاستىرۋعا تىلەك بىلدىرگەننەن كەيىن كەز كەلگەن الەۋمەتتىك-ساياسي جارنامانى جاريالاۋدى توقتاتتى، دەپ جازادى BBC.
بۇدان بۇرىن «امەريكالىق بوستاندىقتى قورعاۋ باستاماسى» پايعامبارعا ارنالعان كاريكاتۋرا بايقاۋىن ۇيىمداستىرىپ، جەڭىسكە جەتكەن سۋرەتتى ا ق ش استاناسىنىڭ قوعامدىق كولىگىنە ورنالاستىرماقشى بولعان.
بايقاۋ تەحاستا مامىردىڭ باسىندا ءوتتى. سول كەزدە ەكى ادام اتىس ۇيىمداستىرىپ، ولاردى پوليتسيا ولتىرگەن بولاتىن.
يسلام مۇحاممەد پايعامباردىڭ سۋرەتىن كورسەتۋگە تىيىم سالعان. بايقاۋدا جەڭىسكە جەتكەن سۋرەتتە پايعامبار قىلىشپەن: «مەنى بەينەلەي المايسىڭ!» دەپ قاھارلانا سويلەگەن، وعان سۋرەتشى قارىنداشپەن: «سول ءۇشىن دە بەينەلەيمىن» دەپ جاۋاپ بەرگەن.
