تەننيستەن جاسوسپىرىمدەر اراسىندا اشىق رەسپۋبليكالىق تۋرنير ءوتتى - فوتو
ونىڭ ماقساتى - جاسوسپىرىمدەردى سپورتقا باۋلىپ، سالاۋاتتى ءومىر سالتىن ناسيحاتتاۋ. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتى حابارلادى.
بيىلعى جىلى ءۇشىنشى مارتە ۇيىمداستىرىلعان جارىسقا اقتوبە، وڭتۇستىك قازاقستان، جامبىل، قوستاناي جانە قىزىلوردادان 5 كوماندا 50 جاسوسپىرىم قاتىستى. ولار بەس كۇن بويى ءوزارا باسەكەگە ءتۇستى.
ناتيجەسىندە 10 جاسقا دەيىنگى ۇلدار اراسىندا جاقاس قوزباق ( قىزىلوردا ق.) التىننان القا تاعىنسا، ايسۇلتان جادىگەر ( قىزىلوردا ق.) كۇمىس جۇلدەنى، ريدۋان ايتىن (و ق و) قولا جۇلدەنى ەنشىلەدى.
ال قىزدار اراسىندا ەدەلليس نارماعانبەت (اقتوبە وبلىسى) جەڭىس تۇعىرىنا كوتەرىلدى. ەكىنشى، ءۇشىنشى ورىنداردى ادەمى امانكەلدى مەن قاراقات قويلىبايەۆا (ەكەۋى دە و ق و- دان) يەلەندى.
14 جاسقا دەيىنگى ۇلدار اراسىندا ونەر كورسەتكەن جامبىلدىق دانيل حاليلوۆتىڭ مەرەيى ۇستەم بولدى. قىزىلوردالىق ەلجاس ساعىناي كۇمىس جۇلدەنى جەڭىپ السا، جامبىلدىق بەحرۋز تۋرسۋنبايەۆ قولا جۇلدەگە قول جەتكىزدى. قىزدار اراسىندا قىزىلوردانىڭ نامىسىن قورعاعان كاميلا ماعاۋيا جەڭىمپاز اتاندى. 2-ورىندى قىزىلوردالىق ءلايلا ايتباي قىزى السا، 3-ورىن اسەل داۋرەنبەك قىزىنا (و ق و) بۇيىردى.
جۇپتىق كەزدەسۋدە جاقاس قوزباق پەن ەدەلليس نارماعانبەت ءبىرىنشى ورىندى يەلەنسە، ادەمى امانكەلدى مەن اقجان ءومىر ەكىنشى ورىندى، ايسۇلتان جادىگەر مەن ديانا تولەشوۆا ءۇشىنشى ورىندى ەنشىلەدى.
جەڭىمپازدار مەن جۇلدەگەرلەرگە ديپلوم، مەدالدار تابىستالدى.
