دارىگەرلەر بيىك وكشەنىڭ قانداي زيانى بارىن ايتتى

استانا. قازاقپارات - الاباما (ا ق ش) ۋنيۆەرسيتەتىندە جۇرگىزىلگەن زەرتتەۋ سوڭعى 10 جىلدا بيىك وكشەنىڭ كەسىرىنەن ادامداردىڭ جاراقات الۋى ەكى ەسەگە وسكەنىن كورسەتتى.

عالىمدار ايەلدەر اراسىندا ەكىنىڭ ءبىرى بيىك وكشە كيە وتىرىپ، باسىن قانداي قاتەرگە تىگەتىنىن جەتە تۇسىنە المايدى دەيدى.

بۇل تۋرالى روسبالت جازادى.

ولار 2002-2012-جىلدار اراسىندا بيىك وكشە سالدارىنان بولعان جاراقاتتاردى زەرتتەگەن. وسى ون جىل ىشىندە 123355 ادام جاراقات العانى انىقتالعان. تەك 2011-جىلدىڭ وزىندە بۇنداي وقيعالاردىڭ سانى 19 مىڭنان اسقان. كوبىنە بۇنداي وقيعاعا 20-29 جاس ارالىعىنداعى بيكەشتەر ۇشىراپ كەلگەن.

جاراقات العانداردىڭ 80 پايىزى وكشەسىن نەمەسە قىزىل اسىعىن تايدىرىپ العان. 20 پايىزى تىزە، ومىرتقا، يىق، باسى جانە مويىنىنا زاقىم العان. وسىلاردىڭ 50 پايىزدايى ءسىڭىرىن سوزدىرىپ السا، 19 پايىزى ءار ءتۇرلى جەرلەرىن سىندىرىپ العان.