20:23, 28 - مامىر 2015 | GMT +5
ۋكراينا پرەزيدەنتى پ. پوروشەنكو قازاقستانعا ساپارمەن كەلمەك
استانا. قازاقپارات - اعىمداعى جىلدىڭ ەكىنشى جارتىسىندا ۋكراينا پرەزيدەنتى پەتر پوروشەنكو قازاقستانعا ساپارمەن كەلەدى.
بۇل تۋرالى بۇگىن استانادا وتكەن باسپا ءسوز ءماسليحاتىندا ق ر سىرتقى ىستەر ءمينيسترى ەرلان ىدىرىسوۆ ءمالىم ەتتى.
«مەملەكەت باسشىسى ۋكراينا پرەزيدەنتى پەتر پوروشەنكومەن ونىڭ بۇل ساپارى تۋرالى كەلىستى. ءبىز باستاپقىدا ءبىرىنشى جارتىجىلدىققا جوسپارلاعان ەدىك، ياعني اقپان- ناۋرىزدى بەلگىلەگەن بولاتىنبىز. الايدا، جاعدايلارعا بايلانىستى ونى ىسكە اسىرۋ قيىنعا سوقتى. ءبىز ەكىنشى جارتىجىلدىقتا وسى ساپار بولادى دەگەن ۇمىتتەمىز»، - دەدى ە. ىدىرىسوۆ.
اۆتور: رۋسلان عابباسوۆ
