انگليا پاتشايىمى ۇلى بريتانيانىڭ ەۋرو وداقتان شىعۋى تۋرالى رەفەرەندۋمنىڭ وتكىزىلۋىن راستادى
بۇل جايلى «رەيتەرس» جازادى.
اگەنتتىك بۇل ماڭىزدى ناۋقان 2017- جىلدىڭ سوڭىنا دەيىن جۇرگىزىلەتىنىن حابارلاعان. مامىردىڭ باسىندا وتكەن سايلاۋدا كونسەرۆاتيۆتى پارتيا جەڭىسكە جەتىپ، پارلامەنتتەگى ورىننىڭ باسىم بولىگىنە يە بولدى. بۇدان سوڭ پرەمەر- مينيستر دەۆيد كەمەرون ۇلى بريتانيانىڭ ەۋرو وداقتاعى مۇشەلەگىنە بايلانىستى رەفەرەندۋم وتكىزۋگە ۋادە بەردى. كەيىن لەيبوريستتىك پارتيا دا ءوز ۇستانىمدارىن وزگەرتىپ، رەفەرەندۋمدى قولداعان بولاتىن.
بۇگىندە بريتانيا ەۋرو وداققا مۇشە، ءبىراق ەۋرو ايماق پەن شەنگەن ايماعىنا كىرمەيدى. قازىر كەمەرون ەۋروينتەگراتسيانى شەكتەۋ جانە بىرىككەن كورولدىكتەگى ىشكى جۇمىستارعا بريۋسسەلدىڭ ىقپالىن ازايتۋ تۋرالى پىكىرىن حالىق الدىندا اشىق ءبىلدىرىپ ءجۇر.
ەليزاۆەتتا II ۇلى بريتانيا پاتشايىمى:
ۇلى بريتانيانىڭ ەۋرو وداققا مۇشەلىگى تۋرالى جاڭا كەلىسسوز جۇرگىزۋگە مۇددەلىمىز. سونىمەن قاتار، بىرىككەن كورولدىكتىڭ ەۋرو وداقتان شىعۋى جونىندە زاڭ جوباسىن دا ازىرلەۋدى باستايدى. بۇل ماسەلە 2017 - جىلدىڭ اياعىنا دەيىن داۋىسقا تۇسەدى.
«استانا» ارناسى
