قازاقستاندا سۇرانىسقا يە اۆتوموبيلدەر بەلگىلى بولدى
الايدا وتكەن اي مەن سالىستىرعاندا رەسمي نارىقتا 9392 جاڭا اۆتوموبيل ساتىلعان.
ءساۋىر ايىندا قازاقستاننىڭ اۆتوموبيل نارىعى قالپىنا كەلە باستادى.
وتاندىق اۆتوموبيلدەردىڭ ساتىلۋى وتكەن جىلدىڭ سايكەس مەرزىمىمەن سالىستىرعاندا %62,28 تومەندەگەن. الايدا وتكەن ايمەن سالىستىرعاندا %30,3 وسكەن.
رەسمي نارىقتا يمپورتتالاتىن جاڭا اۆتوموبيلدەردىڭ سانى وتكەن ايمەن سالىستىرعاندا %9,73 وسكەن.
نارىقتاعى %71,5 ۇلەسىمەن رەسەي ءبىرىنشى ورىندا. % 12 ۇلەسىمەن قازاقستان ەكىنشى ورىندا. ءۇشىنشى ورىندا جاپونيادا جاسالعان اۆتوموبيلدەر تۇر، نارىقتاعى ۇلەسى %6,6. ودان كەيىن وزبەكستاندىق ءوندىرىس، اتاپ ايتساق Daewoo، نارىقتاعى ۇلەسى %3. بەلارۋس ەلىندە وندىرىلەتىن Geely كولىكتەرىنىڭ ساتىلىمى ءوسىپ، وسى جىلدىڭ باسىنان نارىقتىڭ %1,7 ۇلەسىن الىپ وتىر. تۇركيادان اكەلىنەتىن كولىك ۇلەسى وتكەن جىلدىڭ سايكەس مەرزىمىمەن سالىستىرعاندا %28,16 كەمىگەن. ءساۋىر ايىندا بريتانيالىق اۆتوموبيلدەردىڭ 52 بىرلىگى ساتىلعان.
ءساۋىر ايىندا جەڭىل كولىكتەر اراسىندا ەڭ كوپ ساتىلعانى Hyundai Elantra اۆتوموبيلى. ساۋىردە ونىڭ 197 بىرلىگى ساتىلعان.
وتكەن ايمەن سالىستىرعاندا Toyota Fortuner، Kia Sportage Hyundai Tucson, SsangYong Kyron, SsangYong Nomad جانە ت. ب ساتىلىمى ارتقان.
ق ا ب ق باعالاۋىنشا، اعىمداعى جىلدىڭ باسىنان سوماسى 754,9 ميلليون ا ق ش دوللارى بولاتىن اۆتوموبيلدەر ساتىلعان. 2014 - جىلدىڭ قاڭتار- ءساۋىر ايىندا بۇل كورسەتكىش 1123,8 ميلليون USD دوللارىن قۇراعان. كورسەتكىش % 32,82 تومەندەگەن.
ۇلتتىق وندىرۋشىرەلدىڭ ۇلەسى 93,7 ميلليون USD، بۇل وتكەن جىلدىڭ سايكەس مەرزىمىنەن % 61,27 كەم. ساتىلعان يمپورتتالعان كولىكتەردىڭ ۇلەسى 661,2 ميلليون USD.
جاڭا كولىكتەردى ساتۋ بويىنشا الماتى بۇرىنعىداي كوش باستاپ تۇر. ەكىنشى ورىندا - استانا. ساتىلعان كولىكتىڭ %14,17 سونىڭ ۇلەسىندە. ودان كەيىن باتىس قازاقستاننىڭ قالالارى تۇر - اتىراۋ % 9,59 جانە اقتاۋ 7,10 پايىز ۇزدىك بەستىكتى وسكەمەن تۇيىقتادى. بۇل قالانىڭ ۇلەسى %5,96.
