قازاقستان جاستارى قارۋدان وق اتۋ جارىسىنا قاتىسادى - فوتو
«شاراعا ەلىمىزدىڭ بارلىق ايماعىنان 800 دەن استام جاس بۋىن وكىلى قاتىسادى. جاستار مەن جاسوسپىرىمدەرگە اسكەري-پاتريوتتىق تاربيە بەرۋ، اسكەري قىزمەتتىڭ يميدجىن ارتتىرۋ جانە دەنە دايارلىعى مەن سپورتتى ناسيحاتتاۋ وسكەلەڭ ۇرپاق تاربيەسىندەگى باسىم باعىتتار بولىپ تابىلادى.
جاستاردىڭ بويىندا ءوزىنىڭ وتانىن قورعاۋعا دايىن جوعارى پاتريوتتىق سەزىمدەرى مەن ادامگەرشىلىك قاسيەتتەرى قالىپتاسۋى ءتيىس. وسى ماقساتتا تۇڭعىش رەت قازاقستاندا رەسپۋبليكالىق اسكەري-پاتريوتتىق جيىنعا اسكەري-پاتريوتتىق كلۋبتار، سپورتتىڭ اسكەري قولدانبالى تۇرلەرى بويىنشا وبلىستىق جانە قالالىق سايىستاردىڭ جەڭىمپازدارى، رەسپۋبليكالىق اسكەري مەكتەپ ينتەرناتتارىنىڭ، «جاس ۇلان» رەسپۋبليكالىق مەكتەبى مەن «ارىستان» ليتسەيىنىڭ تاربيەلەنۋشىلەرى، جوعارى وقۋ ورىندارى اسكەري كافەدرالارىنىڭ ستۋدەنتتەرى قاتىسادى»، - دەپ اتاپ وتىلگەن ق ر قورعانىس مينيسترلىگىنىڭ مالىمەتىندە.
سايىس باعدارلاماسىنا جاستاردىڭ دەنە دايارلىعىن ايقىندايتىن نەگىزگى كۇشتىك جاتتىعۋلار مەن سپورتتىڭ اسكەري-قولدانبالى تۇرلەرى بويىنشا جارىستار ەنگىزىلگەن. جارىس باعدارلاماسىنا بەلتەمىرگە تارتىلۋ، 100 مەتردە ا ك-74 تەن وق اتۋ، پنيەۆماتيكالىق ۆينتوۆكادان اتۋ، سونداي-اق اسكەري-مەديتسينالىق دايىندىق قامتىلادى.
