سەنات قازاقستان-قىرعىز ۇكىمەتتەرى اراسىنداعى شەكارا وكىلدەرىنىڭ قىزمەتى تۋرالى كەلىسىمدى بەكىتتى

استانا. قازاقپارات - بۇگىن پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى شەكارا وكىلدەرىنىڭ قىزمەتى تۋرالى كەلىسىمدى راتيفيكاتسيالاۋ تۋرالى» زاڭ جوباسىن راتيفيكاتسيالادى.

تاتۋ كورشىلىك قاتىناستاردى دامىتۋ جانە قازاقستان-قىرعىز مەملەكەتتىك شەكاراسىنىڭ رەجيمىن قامتاماسىز ەتۋ جونىندەگى ىنتىماقتاستىقتى قولداۋ ماقساتىندا، سونداي-اق شەكاراداعى توسىن وقيعالاردىڭ الدىن الۋ ماسەلەلەرىنە قازاقستان رەسپۋبليكاسى مەن قىرعىز رەسپۋبليكاسى شەكارا وكىلدەرىنىڭ قاتىسۋى ءۇشىن تاراپتار 2001-جىلى 15- جەلتوقساندا كەلىسىمگە قول قويدى.

«زاڭ جوباسى ەكى ەل اراسىنداعى شەكارالىق ىنتىماقتاستىق ماسەلەلەرى بويىنشا شارتتىق، قۇقىقتىق بازانى جەتىلدىرۋگە باعىتتالعان جانە شەكارالىق وكىلدەرى نەگىزگى قىزمەتتەرى ءۇشىن، اتاپ ايتقاندا، شەكاردا توسىن وقيعالار تۋىنداۋىن الدىن الۋ، ال تۋىنداعان جاعدايدا ولاردى رەتتەۋ جونىندە قاجەتتى شارالاردى قابىلداۋ»، - دەدى زاڭ جوباسى بويىنشا بايانداما جاساعان ق ر ۇ ق ك كوميتەتى ءتوراعاسىنىڭ ورىنباسارى - شەكارا قىزمەتى ديرەكتورىنىڭ مىندەتىن اتقارۋشى دارحان ءدىلمانوۆ.

ءتيىستى مەملەكەتتىك ورگاندارمەن بىرلەسە وتىرىپ، قارۋ-جاراقتىڭ، وق-دارىلەردىڭ، ەسىرتكى زاتتارىنىڭ، قۇندى زاتتار مەن ۆاليۋتانىڭ كونترابانداسىنا قارسى كۇرەس جونىندەگى قاجەتتى شارالاردى قابىلداۋ جۇزەگە اسىرىلادى.

قۇجات سونىمەن قاتار شەكاراداعى تۇراقتىلىقتى ودان ارى قاراي قامتاماسىز ەتۋگە نەگىزدەلگەن.

اۆتور: رۋسلان عابباسوۆ