قازاقستاندىق ونەر شەبەرلەرى استراحاندا ونەر كورسەتتى - فوتو

اتىراۋ-استراحان. قازاقپارات - استارحاندا ق ر مادەنيەت جانە سپورت مينيسترلىگى مەن استراحان وبلىسى اكىمدىگىنىڭ قولداۋىمەن ق ر- دىڭ رەسەيدەگى ەلشىلىگى ۇيىمداستىرعان «قازاق مادەنيەتى: ءداستۇر مەن بۇگىنگى زامان» اتتى ادەبي- مۋزىكالىق كەش ءوتتى. كەش جۋىردا اشىلعان استارحان مەملەكەتتىك وپەرا جانە بالەت تەاترىندا ءوتتى.

وعان استانا، الماتى، اتىراۋ، ورال قالاسىنان ونەر شەبەرلەرى قاتىستى.

«بۇل كەش - اتىراۋدا 2014-جىلعى قىركۇيەكتە 11- ءوڭىرارالىق ىنتىماقتاستىق فورۋمىنىڭ بارىسىندا قازاقستان مەن رەسەي پرەزيدەنتتەرى قول جەتكىزگەن ەكىجاقتى گۋمانيتارلىق ىنتىماقتاستىقتى ودان ءارى كەڭەيتۋ مەن تەرەڭدەتۋ بويىنشا ۋاعدالاستىقتىڭ ءىس جۇزىندەگى ناتيجەلەرىنىڭ ءبىرى. استراحان وبلىسىنىڭ ءىرى شارا وتكىزۋگە تاڭدالعان سەبەبى، مۇندا 150 مىڭنان استام قازاقتار تۇرادى»، - دەدى كەشتە قۇتتىقتاۋ سوزىندە ق ر- دىڭ ر ف- داعى كەڭەسشى- ەلشىسى ۆيكتور تەمىربايەۆ.

كونسەرت باعدارلاماسىنا «ماڭگىلىك ەلدىڭ» قۇرمەتتەيتىن، ناسيحاتتايتىن قۇندىلىقتارى تۋرالى يدەيالار ارقاۋ بولعان. ءبىرىنشى كەزەكتە، ەلدىڭ ورنىقتى دامۋى، ازاماتتىق تەڭدىك، ەڭبەك سۇيگىشتىك، ادالدىق، پاتريوتتىق، رۋحاني مۇرا. كەش قوناقتارى قازاقستان حالىق ءارتىسى تۇڭعىشباي جامانقۇلوۆ، ق ر ەڭبەك سىڭىرگەن ءارتىسى ميحايل توكاريەۆ، قازاقستاندىق جاس جۇلدىزدار: «ۇلكەن وپەرا» تەلەديدار بايقاۋىنىڭ جەڭىمپازى سالتانات احمەتوۆا، رەسەيلىك «داۋىس» تەلەجوباسىنىڭ قاتىسۋشىسى ديانا شاراپوۆا، الىبەك الماديەۆ، «VoicekKZ» توبى بولدى. سونداي-اق اتىراۋدىڭ د. نۇرپەيىسوۆا اتىنداعى حالىق اسپاپتار اكادەميالىق وركەسترى، باتىس قازاقستان وبلىستىق قازاق دراما تەاترىنىڭ ارتىستەرى جانە ت. ب. ونەر كورسەتتى.

بارلىق كونسەرتتىك ءنومىردى كورەرمەندەر ەرەكشە قوشەمەتپەن جىلى قابىلدادى.