د. مەدۆەديەۆ ق ر ادىلەت ءمينيسترى ب. يماشيەۆكە قۇقىقتىق ىقپالداستىقتى دامىتۋعا قوسقان ۇلەسى ءۇشىن سىيلىق تاپسىردى
قازاقستان رەسپۋبليكاسىنىڭ ادىلەت ءمينيسترى بەرىك يماشيەۆ فورۋم اياسىندا «ەۋرازيالىق كەڭىستىكتە قۇقىقتىق ىقپالداستىقتى دامىتۋعا قوسقان ۇلەسى» ءۇشىن سىيلىقپەن ماراپاتتالدى، دەپ حابارلادى ادىلەت مينيسترلىگىنىڭ باسپا ءسوز قىزمەتى.
27- مامىردا فورۋم اۋقىمىندا ق ر ادىلەت ءمينيسترىنىڭ قاتىسۋىمەن «ەۋرازيالىق ىقپالداستىق: ەۋرازيالىق ەكونوميكالىق وداق تۋرالى شارتقا قول قويىلعاننان كەيىنگى ءبىر جىل» تاقىرىبىندا كونفەرەنتسيا ءوتتى. بەرىك يماشيەۆ «ەۋرازيالىق ەكونوميكالىق وداق قىزمەتى جاعدايىندا قۇقىقتىڭ ۇستەمدىگى» تاقىرىبىندا بايانداما جاسادى.
كونفەرەنتسيا اۋقىمىندا ر ف ادىلەت ءمينيسترى ا. ۆ. كونوۆالوۆ، ە ا ە و سوتىنىڭ ءتوراعاسى ا. ا. فەدورتسوۆ، ە ە ك القاسىنىڭ مۇشەسى ر. ح. ارۋتيۋنيان، ر ف ادىلەت ءمينيسترىنىڭ ورىنباسارى م. ا. تراۆنيكوۆ، ب ر ادىلەت ءمينيسترىنىڭ ورىنباسارى ي. گ. تۋشينسكي، ا ر ادىلەت ءمينيسترىنىڭ ورىنباسارى ۆ. ۆ. كوچاريان، ە ە ك دەپارتامەنتىنىڭ ديرەكتورى ۆ. ە. يليچيەۆ، قۇقىقتانۋشىلار، سۋديالار، مەملەكەتتىك بيلىك ورگاندارىنىڭ وكىلدەرى، جەتەكشى ادۆوكاتتار مەن زاڭگەرلەر، كونسۋلتانتتار، عالىمدار، زاڭ بيزنەسىنىڭ جانە عىلىم وكىلدەرى ەۋرازيالىق ەكونوميكالىق وداقتىڭ، سونداي-اق ەۋرازيالىق كەڭىستىكتە داۋلاردى شەشۋدىڭ ەڭ وزەكتى ماسەلەلەرىن تالقىلادى.
سونىمەن بىرگە، فورۋم اۋقىمىندا رەسەي فەدەراتسياسى ۇكىمەتىنىڭ ءتوراعاسى د. ا. مەدۆەديەۆ قازاقستاننىڭ ادىلەت ءمينيسترى ب. يماشيەۆكە ەۋرازيالىق كەڭىستىكتە قۇقىقتىق ىقپالداستىقتى دامىتۋعا قوسقان ۇلەسى ءۇشىن سىيلىق تاپسىردى.
سىيلىقتىڭ ماقساتى ە ا ە و اۋقىمىندا قۇقىقتىق ىقپالداستىقتى دامىتۋ، سونداي-اق ادىلەت سالاسىندا حالىقارالىق ىنتىماقتاستىقتى قولداۋ بولىپ تابىلادى.
سونداي-اق پەتەربۋرگ ادىلەت فورۋمىنىڭ اۋقىمىندا ادىلەت ءمينيسترى ب. يماشيەۆ گااگا كونفەرەنتسياسىنىڭ حالىقارالىق جەكە قۇقىق جونىندەگى باس حاتشىسى كريستوف بەرناسكونيمەن كەزدەستى.
كەزدەسۋگە قاتىسۋشىلار قۇقىقتىق ىنتىماقتاستىقتى ودان ءارى دامىتۋ، سونىڭ ىشىندە قازاقستان رەسپۋبليكاسىنىڭ گااگانىڭ حالىقارالىق جەكە قۇقىق جونىندەگى كونفەرەنتسياسىنا مۇشەلىگى ماسەلەلەرىن، سونداي-اق قازاقستاننىڭ گااگا كونفەرەنتسياسى قابىلداعان وزەكتى كونۆەنتسيالارىنا قوسىلۋىن تالقىلادى.
