جاس اقىننىڭ تۇڭعىش جىر جيناعى جارىق كوردى
المانىڭ جىرلارى رەسپۋبليكالىق مەرزىمدى باسپا سوزدە ءجيى جاريالانىپ تۇرادى. قازاق ارۋلارىنا ءتان كىشىپەيىلدىگى، ەل، ۇلت، ءتىل، ءدىن، تاعى باسقا دا تاقىرىپتار قوزعالعاندا ءوز مۇددەسىنەن ەلدىكتى جوعارى قوياتىن ازاماتتىق مىنەزى نازىك سەزىمگە، وزگەشە وبرازعا باي جىرلارىنان كورىنىس تاۋىپ، ادەمى ۇندەسىپ جاتقانىنا جىر جيناعىن وقىعان جىر سۇيەر وقىرمان سۇيسىنەتىنى ءشۇباسىز. بۇل سوزىمىزگە اقىننىڭ: «اق جاۋلىعىم - انتى بوپ ادالدىقتىڭ، ۇماي بولام، ۇلتىمدى ۇيىستىرىپ» دەگەن، جۇرەگىن جارىپ شىققان جىر شۋماقتارى دالەل بولسا كەرەك.
«جانىما جىلى اعىستار»، «اقيقات الاڭىندا»، «سەزىم يىرىمدەرى»، «جۇرەكتەگى جازۋلار»، «ارناۋ اسۋىندا» اتتى بولىمدەردەن تۇراتىن جىر كىتابىندا اقىننىڭ سىرشىل سەزىمى، تۇنىق ويى، زامانداستار تۋرالى پايىمدارى جانە اعا تولقىننىڭ اسىل مىنەزدەرىن سومداعان ارناۋ ولەڭدەرى كوركەم تىلمەن كەسكىندەلگەن.
اۆتور: ن. نۋراحمەت
