تانىمال عالىم ءوز-وزىنە قول جۇمسار الدىندا ەكى حات قالدىرعان
LifeNews سايتى اتاپ وتكەندەي، ەر ادام ەكى حات قالدىرعان. وندا «دەرت سالدارىنان اۋىرۋعا شىداي الماعانى» تۋرالى ايتىلعان. ەكىنشىسىندە بۇل جاعدايعا ەشكىمدى كىنالاماۋىن سۇراعان.
عالىمنىڭ ايەلى تاتيانا دارىگەرلەر تەگىن دارىلەردى جازۋدى سوزبالاڭعا سالماعاندا، الەكسەي كالاگين ءوز ءومىرىن قيماس ەدى دەپ وتىر.
«ساراپتامالاردى دا اقىلى تۇردە جاساۋعا ءماجبۇر بولدىق. تەگىن دارىلەرگە قول جەتكىزۋگە باعىتتالعان ارەكەتتەرىم ناتيجەسىز بولدى»، - دەگەن عالىمنىڭ جارى.
ول باستاپقىدا الەكسەي كالاگين ەۋروپالىق كلينيكادا ەمدەلىپ، پرەپاراتتاردى ساتىپ الىپ وتىرعانى تۋرالى ايتتى. 2015-جىلى قاڭتار ايىندا ەمدەلۋ ءۇشىن رەسەيگە ورالعان عالىم قاجەتتى تەگىن پرەپاراتتاردى الۋعا ءوتىنىش ءبىلدىرىپ ۇلگەرمەدى.
ر ف تەرگەۋ كوميتەتىنىڭ قىزمەتكەرلەرى سۋيتسيد بويىنشا تەكسەرىس جۇرگىزىپ جاتىر. ەگەر اق حالاتتىلاردىڭ نەمقۇرايلىلىق تانىتقانى انىقتالسا، مەديتسينالىق مەكەمە قىزمەتكەرلەرىنىڭ ۇستىنەن قىلمىستىق ءىس قوزعالۋى مۇمكىن.
