21:21, 27 - مامىر 2015 | GMT +5
سەناتور گ. كيم وڭتۇستىك كورەيا ەلشىسىمەن ق ر پرەزيدەنتىنىڭ «ۇلت جوسپارىن» تالقىلادى
استانا. قازاقپارات - پارلامەنت سەناتىنىڭ دەپۋتاتى، حالىقارالىق قاتىناستار، قورعانىس جانە قاۋىپسىزدىك كوميتەتىنىڭ مۇشەسى گەورگي كيم قازاقستانداعى كورەيا رەسپۋبليكاسىنىڭ توتەنشە جانە وكىلەتتى ەلشىسى چو ەنگچونمەن ونىڭ ءوتىنىشى بويىنشا كەزدەستى.
سەناتتىڭ باسپا ءسوز قىزمەتىنەن حابارلاعانداي، كەزدەسۋ بارىسىندا ەكى جاقتى قارىم-قاتىناستىڭ دامۋ مۇمكىندىكتەرى تالقىلاندى. سونىمەن قاتار، اقپاراتتىق تەحنولوگيالار مەن زاڭ شىعارۋ سالاسىندا تاجىريبە الماسۋ كەرەكتىگى اتالىپ ءوتىلدى.
تاراپتار ن. ءا. نازاربايەۆتىڭ «ۇلت جوسپارى - بەس ينستيتۋتسيونالدىق رەفورمانى جۇزەگە اسىرۋ بويىنشا 100 ناقتى قادام» باعدارلاماسىن جۇزەگە اسىرۋ ماسەلەسىن تالقىلادى.
