استانادا رەسپۋبليكالىق «جاس قانات» كونكۋرسى وتەدى

استانا. قازاقپارات - 29- مامىر كۇنى استانادا XXIV جاس ورىنداۋشىلاردىڭ رەسپۋبليكالىق «جاس قانات» كونكۋرسى باستالادى.

بەدەلدى مۋزىكالىق سايىس بەيبىتشىلىك جانە كەلىسىم سارايىندا ءۇش كۇن بويى جالعاسادى.

كونكۋرستى ۇيىمداستىرۋشىلار - استانا قالاسىنىڭ اكىمدىگى جانە «ازيا داۋىسى» ديرەكتسياسى.

كونكۋرسقا قازاقستاننىڭ بارلىق اۋماقتارىنان جاس ورىنداۋشىلار قاتىسادى. بيىلعى «جاس قاناتتا» ۇزدىك اتانۋ ءۇشىن 10 قالادان كەلگەن 15 ورىنداۋشى سايىسقا تۇسەدى. ساحنادا ەكىباستۇز، بايقوڭىر جانە ستەپنوگورسك قالالارىنىڭ وكىلدەرى العاش رەت ونەر كورسەتەدى.

كونكۋرسقا قاتىسۋشىلاردىڭ ەڭ كوبى - استانادان، ياعني ەلوردا اتىنان 5 ونەرپاز سايىسقا ءتۇسىپ، باق سىناپ كورمەك.

Baq.kz