الماتى وبلىسىنداعى تىكۇشاق اپاتىنا قاتىستى تولىق اقپارات

استانا. قازاقپارات - الماتى وبلىسىندا ەكى ورىندىق شاعىن تىكۇشاق اپاتقا ۇشىراعانىن حابارلاعان بولاتىنبىز.

اۋە تەحنيكاسىنىڭ قۇلاعانى تۋرالى اقپارات توتەنشە جاعدايلار قىزمەتىنە ساعات كۇندىزگى 12:00 دە كەلىپ تۇسكەن.

الماتى وبلىسىنداعى مەنشىكتى ءتىلشىمىز ءادىلحان ساقاريدىڭ حابارلاۋىنشا، اپات كوكسۋ اۋدانى اقشاتوعان اۋىلىنىڭ ماڭىندا بولعان.

الدىن الا مالىمەتتەر بويىنشا، تىكۇشاق «الماتى-تالدىقورعان» تاس جولىنىڭ قۇرىلىسىن كورۋگە بارعان كەزدە جوعارعى كەرنەۋلى ەلەكتر سىمىنا ابايسىزدا ءىلىنىپ قالعان.

ناتيجەسىندە تىكۇشاق ورتەنىپ، جەرگە قۇلاعان. بەلگىلىسى اتالعان تىكۇشاق «تالدىقورعان جولدارى» سەرىكتەسىگىنە تيەسىلى.

ۇشقىش وقيعا ورنىندا كوز جۇمعان. قازىر ونىڭ مۇردەسى جاقىن جەردەگى ءمايىتحانالاردىڭ بىرىنە جەتكىزىلىپ، سوت مەديتسينالىق ساراپتاما تاعايىندالدى.

گۇلميرا سەيداحمەتوۆا، وبلىستىق ت ج د باس مامانى:

- بولجامعا سايكەس، اپاتقا ۇشىراعان تىكۇشاقتى قۇرىلىس كومپانياسىنىڭ باس قۇرىلتايشىسى باسقارعان. قازىر وقيعا ورنىندا توتەنشە جاعدايلار دەپارتامەنتى مەن پروكۋراتۋرا قىزمەتكەرلەرى جانە جەدەل قۇتقارۋ جاساعىنىڭ ماماندارى جۇمىس ىستەۋدە.

www.24.kz