الماتىدا قازاقستان-بريتان باسەكەلەستىك ورتالىعى اشىلدى - فوتو
«حالىقارالىق زەرتتەۋ ورتالىعى عىلىمي قاۋىمداستىقپەن، بيزنەسپەن، كومەرتسيالىق ۇيىمدارمەن، مەملەكەتتىك ورگاندارمەن قويان-قولتىق جۇمىس ىستەيتىن بولادى. ورتالىق ەلىمىزدىڭ باسەكەلەستىگىن ارتتىرۋ جولىندا كورپوراتيۆتى كونسالتينگ سالاسىندا قىزمەت ۇسىنۋ، ترەنينگتەر مەن ستارتاپ قولداۋلار كورسەتۋ، قولدانبالى زەرتتەۋ جۇمىستارىن جۇزەگە اسىرادى. بۇل جۇمىستاردىڭ بارلىعى ەكونوميكالىق، يننوۆاتسيالىق دامۋعا باعىتتالعان»، - دەدى ق ب ت ۋ بيزنەس مەكتەبىنىڭ دەكانى يۋان سيمپسون.
اتالعان ورتالىق قازاقستان مەن ۇلى بريتانيا ۇكىمەتتەرىنىڭ «نيۋتون ءال-فارابي» باعدارلاماسى اياسىندا قارجىلاندىرىلعان.
قازاقستانداعى ۇلى بريتانيا كورولدىگى مەن سولتۇستىك يرلانديا ەلشىسىنىڭ ورىنباسارى سارا پيكەرينگ اتالعان ورتالىقتىڭ قازاقستان ءۇشىن ماڭىزدىلىعىن اتاپ ءوتتى.
«بۇل - ۇلكەن جوبا. وسى ورايدا سىزدەرمەن قارىم-قاتىناستا بولاتىندىعىمىزعا وتە قۋانىشتىمىز»، - دەدى حەنلي بيزنەس مەكتەبىنىڭ دەكانى.
