قازاقستاندىق «استانا ارلاندارى» مەن كۋبا بوكسشىلارى اراسىنداعى فينال ماۋسىم ايىندا وتەدى

استانا. قازاقپارات - قازاقستاندىق «استانا ارلانس» پەن كۋبالىق بوكسشىلارىنىڭ كەزدەسۋى ماۋسىم ايىنىڭ ورتاسىندا وتەدى دەپ حابارلادى «حابار» ارناسى.

24- مامىر كۇنى 9:1 ەسەبىمەن «استانا ارلانس» «Russian Boxing Team»  كومانداسىن جەڭگەن بولاتىن. ەندى WSB بوكس سەرياسىندا ايقىن باسىمدىقپەن فينالعا شىققان ارلاندار تاعى دا ءبىر رەت ءوز شەبەرلىكتەرىن كۋبالىق قارسىلاستارعا كورسەتۋى ءتيىس.

ال «Cuba Domadores» فينالعا ەكىنشى جولدامانى الۋ ءۇشىن «Mexico Guerreros»   كومانداسىمەن كۇش سىناسىپ، 10:0 ەسەبىمەن مەكسيكالىقتاردى ويسىراتا جەڭدى. ەندى ارلاندار مەن كۋبالىق بىلعارى قولعاپ شەبەرلەرى ماۋسىم ايىنىڭ ورتاسىندا كەزدەسۋ وتكىزەدى.